預告

不停畫著,

又有新工作,只好再遲一點~









一路以黎,都淨係post畫,好似只有"視覺",沒有了"內涵"

就講下電影惡魔人好了


因為某d關係,今日重睇返永井豪經典作"惡魔人"

將人類既黑暗,仔細的,一層層的,有條理的畫出來

好耐之前流傳過"100部最好看的漫畫","惡魔人"排名第五,真係當之無愧



可惜幾年前既電影版,唔單止拍得比漫畫難睇,

仲係我睇咁耐電影最垃圾既一套,

記得當年好期待,雖然網上睇完d片段好有日本cult片格局,

不過咁好睇既原著,點都要睇下電影版....

愈睇就愈悶,仲有好多改到不知所謂既劇情,

2個完全唔識做戲既偶像歌手係套戲到唔知做乜,

講埋d幾近腦殘既超白痴對白,

特別係last個段對話,睇到我訓著,起返身,仲講緊.......

如果要我俾呢套既CM,我諗我只講一句已經可以表達到我對整套戲既感想,

就係一句好粗下既,唔出得街既粗口~


今日上網搵下相關資料,

搵到一個日本戲評人俾2分呢套戲,而滿分係100分.......

搵到一個台灣人講呢套戲

話佢係史上最爛既電影,仲話睇呢套戲係浪費生命

亦都係果個網睇返先知原來好多日本人睇完又嘔又成,

"情緒失控當場砸電影院"

"一位對於SF系列非常熱衷的日本影迷，網站中充滿著他對惡魔人觀後的各種抱怨"

"緊急的在網站上建立了這個討論版串聯，呼籲日本各地的民眾千萬不要進電影院免得受害"

"全國各地即將要放送的宣傳短片全部喊卡"

等等仲好多既野,數之不盡

到頭來我先醒起據我所知"惡魔人"既周邊野係全世界賣過滿堂紅,

當年點解日本唔將佢賣埠呢?原來係日本人自己都頂唔順

好不幸我中左招......

其中有2人話一般,

因為佢地覺得描寫人性黑暗幾好,我睇完立即諗到,

因為呢個係漫畫寫既野,唔係電影劇本原創既,除左呢樣野,即係唔好睇喇?


呢套戲有拎獎,一個係最爛既電影,另一個係cg大賞

last一段打鬥係我個陣最想睇既場面,雖然唔算係好強既CG,

不過係呢套戲唯一最有意思既4MINS,如果連呢4MINS都冇埋,

我諗連個2分都唔駛俾了......


講咁多你都唔信既話,歡迎你搵返呢套戲黎睇,

我好希望睇完你能夠俾返你既觀後感我,

如果係負面既,唔好話我冇提醒你呢套係日本史上最爛既電影,

如果係正面既,我好想係唔同既角度欣賞佢既優點~


再講多次,電影惡魔人係我由細到大睇咁多電影,最爛既一部,

個D咩搞乜鬼災爛片,搞乜鬼乜乜乜對比之下,都仲係有一段距離