原材料價格急升，新樓要偷工減料？

http://www6.discuss.com.hk/viewthread.php?tid=2652355&extra=page%3D1&page=1

今年下半年起貨o既樓盤質 數差劣的原因。  

hh做工程，今年o既情況係慘過沙士時期。
果時係冇工開。
依家係有工開仲 死。
今年淨係見d老細，二判，三沙走佬。
因為上年初中標o既工程，今年中起貨o既，全部死晒。

d五金料，即係所有建材來賈都升到癲。
中左標就唯有偷工減料，減無可減就走佬。

所以今年年中後起貨入伙o既樓盤，d 質 素嚇死人。
大家驗樓時，要小心。

有行家用國內cable 充 場，仲 係用低一兩級size ，10mm 用6mm 。

d去水upvc o候 ，用晒d薄料。

o矣 ，d手工就梗係差到無倫o拉。好多地盤都係搵d三個月黑工，假身分証，假綠咭。真係用口水痴上去咁就叫做完。

吾單止 係進窩d樓盤，祥崗，辛記都一樣。因係d料價升幅係倍倍聲。

果d睇地盤o既，都冇法止 吾收貨，因為d判 頭走下一個走下又一個，真係吾駛起貨咩，遲交 樓個鑊，連份工都保吾住。咪唯 有收貨先，但就成千幾個defect item。
扣起d判 頭尾數，d判 頭 梗係吾會執 手尾o拉。
咁個樓盤就照賣，照入伙。
最慘係個業主，幾百萬賣間殘樓一樣o既新樓。d 執 漏永遠得個追字。去消委會，又冇人啋。

-------------------------

中標價 連買料都吾夠，點做呢。
劈炮 就俾d 大佬告 ，又拉人又封艇咁。
咪個個二判都好似搵傻仔咁，搵d三吾識七o既三沙，判 俾佢o地。一入局就拖數拖到佢頂吾住走人，再搵另一個三沙，頂上。如是者，搵得幾個三沙，個二判就搵自己 友埋位，做埋d手尾。但係好多二判 都係頂吾順。
個大判就 搵d大佬坐埋一齊，改圖，改料，改生產地。乜 都改到可以瞞天過海。祇求驗到防，驗到樓。
其他就俾個二判 眼開眼閉。祇要有身份証同綠咭，吾理真假都可以入地盤開工。
黑工用假証，查到係吾關 地盤事。係個黑工用假文件，地盤冇法律責任去查真假。

講多個大鑊事件，有幾個樓盤d電纜，係雜 嘜駁料。

相信入伙八成後，就會大停電。到時俾錢換電纜，每個業主夾幾皮啦。

---------------------------

講d數字俾大家參 巧:

銅價由二千幾美金一噸，升到近九千一噸。
1.5mm ，2.5mm 單支電線，三佰幾一綑 ( 五佰m ) 升到過千。
銅喉 (四分) 一餅 由佰八至二百升到四佰以上。

廢 鐵收購價由三毫一kg ，升至一蚊。
廢銅就十幾蚊一kg，升到五十。

以前地盤d廢料要俾錢人執 走。
依家轉過身就俾人清埋。

舊年中標價，一米電線報三蚊，俾個QS 狂炳，話食水深，要扣到半。依家連賣料都 未 夠。

---------------------------

駁蛇呢單case 係d電氣行家爆出來，邊個盤就真係吾講得。
過年前，睇下會吾會有新聞爆出來。
入伙初期，住戶吾多。
到有八成左右，d 大蛇就會full load 或接近full load。
駁口發熱，就大乜 鑊。
雖然好多時都會駁蛇，但用正宗規格o既潛水艇來駁，好貴。而且駁線係同一牌子同刑號。
但慳料駁蛇，係用吾同牌子o既 大蛇，淋d鉛水加幾層絕緣就算。
駁口藏o係樓層交接位d套筒入面。起貨後，就吾易察覺。

若 果個盤多人炒，咁要住滿八成單位，可能要三幾年，過左保用期 。(電氣 保修期係兩年。)到出事時，咪要d業主科錢。lor。

--------------

 我個人完全同意及相信 Hip Hing 樓主的說話, 我都係做機電工程出身, 一年前轉左行, 因為真係無得做, 標價要最平先有得中, 中左仲要減先有得做, d仆街大判/業主仲要左扣又扣, 都唔知做呢為 mud, 間公司有番咁上下大, 出名, 早2-3年接落d標, 今年要起貨果d真係買料都唔夠, 老闆又肯定唔會走佬, 唯有頂硬上..........d要包料的判頭真係個個走佬........你話d質素點會好呀!!!

-----------

不只貴價五金材料, 連一般平價建築料都要慳!!!
接order做果個辛苦, 買樓果個業主心酸...........................

另現在落標的tender都平到無普.
現在較好做的job只餘MTR的project.

-----------------

e位協生, 可否pm一下係o羊地方丫?? thanks!!!!
會o吾會係park island 5期???

仲有我都做過工程公司, 我幾年前見到的問題真係好鬼多, 而家冇做工程幾年啦, 不過又o吾係話好多大wok野係3幾年前種洛的出現wor. 不過而家講到好似係好core的問題wor... 希望o吾好有事啦

-------------

講到似層層o甘wor, 不過我有朋友係d工程公司到做野, 都話好多project都係平bid返來, 根本就冇肉食, 好驚公司的finance一日差過一日.

而家全球性好多問題都係超亂. o吾通真係國之將亡???

-------------

小弟係做維修工程

而家新接返黎既維修case真係大開眼界

1. 駁錯喉：鹹水駁食水，食水駁鹹水

2. 裝修唔夠1年甩皮甩骨，1年樓好似5年樓咁

3. 石屎板同石屎釘之間唔夠英泥，牆角接口位漏水
    嚴重到灌3井野都未填滿個窿

..................點買

-------------

見光位一定好好睇睇, 見唔到的就..........

------------------

之前有人post過弦都有單case post過,入牆水喉有粒釘,開水一排先至漏水,要爆開先發覺...

------------------

樓主.... 你呢D 都算好啦......

我老爸做夾車......

bad debt 左十幾萬...呀.... 我屋企就黎無錢開飯啦....

D 判頭只係會拖數.....

------------------------

通常住宅樓宇，地基完成後計，大約 廿 個月 ( 三十層左右。) 或者三十個月 ( 四十層) ，五十層以上就三十六個月，至四十個月。
一般上到 typical floor ，四，五日就一個樓面，上到十樓，四，五樓就開始做樓廠內o既泥水，。大約 係相隔三至五層o既差距。
到平頂時，低層o既內部泥水，木器 ，五金，水電都完心得七八成。
天台水缸，lift機房落埋石 屎，就可以拆 天枰。
結構完成後，大概半年至九個月就應該起貨驗樓，驗消防。

發展商會o係打椿，造地基時就出標。
一般建築標係落標後三個月至半年就埋位開工 。機電標可能會遲少少。但相差吾會超過三個月。
以電氣為例 ，開頭祇不過係d燈喉，吾係咁值錢。
到十個月至一年，至會落電線，電制，同大蛇就甬常係起貨前九個月至到位。中標後，吾會即時落柜打訂貨。因為柯打一出，就要出LC ，會少左筆錢行 o既OD ，影 響流動資 金。
一般係要貨前半年甚至係三個月至出LC。
雖然之前係 傾左個 價，但來價升得太癲 ，冇supplier 肯cofrim 個舊價。
( 除非俾左訂。( 但三成訂 ，冇工程佬人會咁做。)

就係咁，2004 年 中至 05 年初 中標，d價錢 就買料都未 夠。

-----------------------------

屯門 咪試過有爛尾樓。發展商將d樓花資 金挪用。冇錢俾建築商。
但承建商執笠今樓盤爛尾就吾覺有。多係拖慢左單工程。

其實建築成本係有參 考價。
一般住宅單位，吾計地價，無論邊一區，都差吾多。千八至二千五 左右一呎。但呢兩年係跌到千四五至二千，因為搶到賤晒。而人工同料價 係三成幾係人工，料就佔六七成。
香港做工程d人工好奀。去工程界果個page 睇行d行家 post就知。

機電佔單建築工程o既比例係得 10 至15% 。( 未 計 lift )
商場，clubhouse 呢d 附加設施就另計。可以玩到天花龍鳳。不過 都係裝修，室內設計賺晒。人o地一件雲石 大地球，可以十幾萬。

其實家下d新樓盤，一味係clubhouse，lobby 度落錢。百幾萬個單位，個lobby 就五星級酒店大堂。個club 就spa，又 jacuzze。呢d建築費都係由小業主出。但業權就歸大業 主，但日後維修保養，就由郎理費俾。而享用時，又要另外俾錢。
即係大家夾俾人做生意。仲要負責生財工具o既保養費。

----------------------

o係 2000 年以前，建造業基本 係分開私 人市 場同政府市 場。

做開政府屋，市政局 ，同ASD  project o既，係吾會沾手 炒業樓 。即使係同一公 司，都會分開兩個sector 。

而幾個大發展商 亦有所謂皇家判，佢o地吾憂 冇工開。
果d細發展商 ，就搵d 借牌o既 builder 起樓。
總之係各有各造。

政府o既八萬五一出。間間公 司都加人手，開多好多PM位。連d做開炒業樓o既都 申 請入housing 個 contractorlist。
果時個市旺 到飛起。d地盤遠少少都要加錢至有人去開工。
政府突然話 冇左八萬五喎。
咁多間 contractor 咪傻晒，連私 人工程都縮晒水。好多皇家判 都吾夠工開，咪出來搶工程。
政府一單tender ，可以有十幾廿 間公 司落標。
私 人工程就算同圍內人有關 係，都一樣要鬥 低價。再加瀣沙士 果時，個個都餓標。
從果時開始。d價錢就一浪低於一浪。
本 來係以為捱一兩年，頂住搵工開，冇得賺都俾d工人開到工。蝕些少。
但05 年開始o既 材料升浪，就真係死晒火。
果d乎升幅係以倍計。
好多包工包料o既三沙，報落o既價錢，真係買料都吾夠，咪唯 有左縮右縮，可以慳就慳。批灰三層就縮到兩層。
菜 膠福粉就開到薄一薄。溝水滿到稀一稀。
紙皮 石 就改油乳 膠漆。不銹鋼 就用生鐵加油漆。

可以講2000 年之前o既樓，質 素同用料都有個譜。05年尾起貨o既.....
西九果幾個盤，大家小心d驗樓啦。
住高層果d ，屋企儲定d糧食飲 品，電筒同葯油。
停電，停水，停lift 時，可以應急。

------------------------------

所以而家d私樓質素可能仲差過舊樓同舊公屋....
d公屋住十幾廿年都無牆身滲水...返而新私樓幾年又話滲水, 又話邊度邊度要維修...
我都有frd做建築, 佢話防水防漏成本高又唔易做, 所以好多工程都減晒料, 所以好易會滲水...

----------------------

有網友pm 俾hh ，話d造價好似吾多合理。
如果依家仲要 千三四蚊呎，連地價咪最少賣三四千至回本 。

其實係建築工程o既呎數，係真正o既建築面積。但係 開賣出來就會吹 水牛 肉咁，起碼吹 大三四成。即係建築面積一千呎o既單位，去到售樓書，就變成千三，四呎。仲 有d所謂環保設施。政府吾計入GA。但發展商就當係可出售樓面，夾硬每個單吹 多幾十呎。
又有d地皮，本 來地積比率 計盡係十萬呎，發展商就出好多古惑，變成十二萬呎。
有電視報導過，將個樓盤d售樓書所列 出果d單位面積，加埋後，發覺比 政府批地時o既地積比率 ，多成兩成咁滯。
呢度加d，果度又吹 d 。建築成本o既呎價就拉到六七百蚊都得。
但o係建築工程合約條數，就始終係 千三四蚊呎。

每次賣完地，果d所謂地產 分析員就撲出來唱好。話 地價造成四千蚊呎，加埋建築費，利息，到落成時要賣六千五至七千至打和，所以對後市 樂觀咁話。果d二手盤就傻傻地oh封盤加價，咪益左發展商靜靜雞 出晒貨。

其實將來出售時，每呎o既水分至少有三四成係吹 出來。
家下d新盤，實用率 可以低到七成都冇。

---------------------------------

。K 果ｄ盤唔止25-30%, 因為出哂名唔俾錢, 左扣右扣, 無論 Consultant, 大判, 分判都係.......

起樓錢唔想俾, 賣樓錢又要收足, 小業主上唔到會"撻"定 又追收差價...........
代理費又慳番, 因為好多盤都係自己sales 推, 唔俾代理做, 慳好多..........
一句講哂, 佢賺你d錢天經地道, 你想賺佢錢就難過登天.

-------------------------------------

小弟做屋宇維修咁耐，今年都算大開眼界

新樓(樓齡1至5年)維修工程如下：

1. 外牆磚大幅剝落：檢查後為牆身磚與牆身之間石屎不足(做過4個盤都係咁)

2. 不明原因滲水：石屎牆身密度不足，石屎釘+石屎板中間有大虛位

3. 電梯震盪：電梯機件不明原因急速老化.....

4. 大堂裝修甩皮甩骨，1年樓變到10年樓咁

------------------------

偷工減料問題要正視

謝謝樓主無私分享，此版實需樓主這種人，分享大家平時所忽略/看不見的。
小弟其實亦與工程關係密切，修讀電子/電機10年亦不願投身其中，主要原因正如樓主所言，工程已沒有肉食，身邊朋友亦已相繼退出轉行，這是明智之舉。現在小弟已轉投銀行業，希望和樓主一樣，指出行內問題給大家參考。
如樓主所言，偷工減料情況嚴重，未來數年，新樓的問題會逐步浮現。然而，其中涉及問題複雜，假若問題發生，後果...不堪設想
電纜駁口不用潛艇;cable/conduit改用細號，當overload或者雨水滲入時會導致漏電/搶火，情況實在令人憂心。
早前西九屋內天花石屎整幅脫落事件，原因亦相信是建築時偷工，問題相繼發生，發展商實在不能夠推卸責任，只著眼利潤而罔顧業主安危及建築人員感受!

------------------------

地價點樣支付，每個發展問都有吾同o既財務安排。大孖 沙，一定吾會市場利率來做借貸。大部份都係同業拆 息加幾十點。甚至係用公司債卷做融資。更加吾會做三年咁長。
出售樓花就有錢回籠。

更且係建築費支付，即使起晒貨，都會扣起 至少10% retention 。過左保修期至會付清。而且一定會拖到吾清吾楚。一億建造費，d判 頭收到九千萬就要開香檳。
某個大大孖 沙o既拖數策略最毒，係拖到d細判頭頂吾順執笠。就吾駛找尾數。( 一味話好多手尾做未 完，要扣數，又出信，又警告之類。細公 司點同佢玩d法律，好多判 頭都吾敢 再掂 大大孖 沙d工程。)

所以地價成本 ，建築費成本 吾係賬 面條數咁大。
大乙沙手下成班都係 MBA ，就係諗點樣減成本 ，而吾係點樣為樓盤增值。

講真，最大o既支出係廣告，同示範單位o既裝修。
大大孖 沙 o係 工廠 舊區有楝殘樓，就用來做示範單位o既mock up。所有樓盤都會o係果度搭間樣辦。太子同d重臣 睇過冇問題。至會o係中環做個真正o既示範單位。

--------------------------------

泰股 o既 builder ，一定係甘 門。
係最貴同最嚴格o既 建築公司，但係標價好貴。冇其他公 司project做。不過 ，d 難做o既工程，多數有甘 門 份。

太古城 入伙卅年，口碑大家見。無論個則，同用料，手工。hh認為可以用來做教材 。

--------------------------------------------

政府o既，乜 都係o岩 spec. 即係符合標準。乜 野叫符合標準。
去睇下d居屋就知。

紅。半島點解要執到依家都未 賣呢。
淨係換晒果d合標準 ，但吾合人用o既水盆，浴 缸，座 廁等等，就有排攪。最慘係換o既時候要拆牆，拆 門。

新。。原來係想拆 過起豪宅。點知俾人鬧到吾拆 得。
進退兩難。

------------------------

阿哥，泰 古 退出香港市 場咁滯。變左收租 股。

以前 同系o既建築公 司 分為紅甘 門，同藍甘 門。
一間專做基建。一間就起樓。
英資 全盛時，佢o地係首屈一指o既 大判。置地同泰 股 o既project 一定係甘 門。

因為係洋人公 司，行政費就嚇死人。港資 同中資d地產商請佢吾起。

-----------------------------------

唔好話用細一級0既Cable啦, 就算同樣係10sq.mm Cable, 來路貨過70Amp大陸D野雞廠過
50Amp就發熱, D銅0既純度都唔夠, 死硬!
第日條大龍full load隨時變火龍, 正!

--------------------------------

行內偷工減料情況其實一直存在。但係過往會o係d碎料度慳。例如d 銅喉nut ，薄料同厚料，差一倍價。
水喉，膠喉，就摻d大陸料。
駁水喉法蘭 ，厚薄價亦差好遠。甚至改用燒焊，就更加慳。
大蛇就好少偷雞。不過d避雷水帶，就多數係冒牌貨。
d閘制就用印度，泰 國，東歐d水貨當係日本，歐洲名牌。
總之人伙頭幾年，戶數少，吾會出事。幾年後，過左保養期，就係小業主o既事。
hh 呼籲大家要多d參予 業主會o既事務。可以查到好多大業主o既合法而卑污o既掠水手段。同埋大廈公契中，小業主o既權益剝削。瞭解座 大度愈多，就愈有著數。可能會嚇到搵地方搬。

呢兩年，料價實在升得太利害。
好在大陸乜都有冒牌。
moonstar 鋅鐵皮，都可以有假。
印個假logo ，易過借火。

再且，好多所謂名廠名牌，實質上，都係 交 俾大陸d廠生產。
有d風機，風扇，FCU ，等，都係大陸造。A牌子要貨，就印A牌子logo 。B公司要貨，就印B logo。

用料已 經有問題，工人o既手工質素就更加恐怖。
人工太平，個個都自僱，件工計。
做得多，就收得多。翻手，執手尾冇錢收，咪拖得就拖。
做左d有錢收o既。多勞多得，又點會同你繡花。
一個浴室潔具安裝，可以低到得五舊水。咪搵d 南亞人仕埋位。佢o地搬一個馬桶到位，扶正。十蚊一個。可以想像d手工有幾好。
放大蛇，原本 係d湖南佬世界，依家都炒俾d 有色人種。嘩拖到條蛇遍體鱗傷，見晒骨。不過，邊個敢吾收貨呢包翻幾層膠布，阿sir 當睇吾到。
水氣吾夠，咪搵個吾見光o既位，將黃線水線駁埋條水喉。水喉借來用為水線。
以前，插蘇係行ring circuit 。依家就手拖手。

hh 做呢行 三十年，呢兩年所見o既，真係大開眼界。當年廉記未成立，都吾見有咁離譜o既工程。果d監工，site supervisor，又淨係識得睇spec.但就吾識睇地盤。淨係識入電腦，但就吾用腦。
有時同朋友去幫收新樓，真係睇吾過眼。俾熱水爐果組線，吾用高溫線。(呢d係冇 窗 廁o既特有問題。冇窗廁d熱水爐，係用電，吾可以用煤氣。)

小業主收樓時，吾會有呢d機電設施o既用料。亦 吾會俾小業主去check 下d 泵房，制房，機房。
但將來o既保養維修，就要由小業主負責。

呢兩年入伙o既新樓，即使要出事爆鑊，都係 三幾年後o既事。如果咁快就爆鑊，就一定係好大大o既鑊。或者o係一場特大雷雨後，( 好彩呢兩年都冇打過風。) 破係呢d樓盤o既考驗時刻。

--------------------

幾乎就有火龍爆出來。
先幾年，荃彎有個單棟樓盤，好似係 例。。既。
入伙吾夠兩年，d住戶就經常 停電。尤其係大熱天時，就一定lum制。
電燈公司check 過。供電冇問題。
係大廈o既問題。
就係細蛇供大電。好彩 制柜 o既 炮仗fuse, 用o岩.amp 數。
不過 條蛇就長時間overload，經常發熱。
事件見報，大業主至肯加多組大蛇。拉散每組蛇o既loading。

---------------------------

唔怪之得果棟樓入左伙又搭足兩年崩啦!
大陸大把老翻  fursX 防雷帶同配件, 不過好易氧化。

-------------------

真係估唔到咁都得! 插蘇手拖手, 最多瓜左一個後面冇晒, 但係前面 0既電線頂唔頂得住呢? 咁同用一個拖蘇無乜分別。
熱水爐一定要用高溫線, 如果線皮熔左 short 埋就大劑! 熱水爐          loading 咁大, 真係會爆炸!
放D大蛇0岩馬放到見骨咁狠?! 仲用膠布包翻就算?! 咁都得! 搵D 3M high volt 用膠布包會唔會好D
其實依家D大廈起到咁高仲用D老翻水氣帶真係好危險, 棟樓咁高較易招雷, earthing 唔夠對人同電器都危險

------------------------

，乜有發展商會重視個 brandname 咩。
肯顧住個招牌 ，就吾會有縮水豪宅。六佰幾呎賣俾人，實量就得四百幾。個個業主人伙都唱衰個發展商。個發展商o係另一個樓盤，又吹 到天上有地下冇咁。

名譽呢樣野，賺到錢至有。
睇下果d賣樓天皇，好似小丑 咁，每個樓盤都做show 咁，扮鬼扮馬。佢仲會同你講名譽。賣吾到樓，佢o係公司就冇晒名譽地位。

好似果個吾夠電樓盤，咪一樣賣緊樓，一樣有小業主入局。

要論brand name至買樓。八成樓盤吾駛睇。

---------------------

有d小業主落左搭根本唔想出聲,怕層樓d衰野影響價格..
有d炒家更話你唱衰層樓,有乜企圖..
有d業主實行駝鳥政策,猛講買番來既係好野..
有d經紀混水摸魚,不斷唱好..
有心水清既人,或行內人,一早分析左個情況俾業主,或準業主知..
(睇下預封d文章,各式各樣既人對號入座吧!)

香港d法例又偏幫大發展商.同埋買左樓既小業主仲要辛苦搵錢供樓,邊有時間,能力,金錢同大發展商鬥

-----------------------

正是如此。

果個樓盤爆鑊後，d 業主將記者趕走，吾接受訪問。
就係驚個樓盤跌價。
俾大業主搵左笨 ，仲 要幫手掩住d臭屎，幫個騙子繼續搵水魚。咁就多d業主夾錢執鑊。
唉，仲有乜 好講呢。

--------------------

本人是門外漢，可能說得不對。總括來說，間樓質數用料達到什麼程度，首先看升降機牌子及面積，就略知一二，因電梯是很貴的設備，好似祥實樓，我去過很多樓盤看，。實樓隻升降機總是很細及魏，企5-6人就很迫，速度普通，相比自已大厦用奧的私電梯又大又快，每秒約二層，但只普通,不是名牌四年樓，可知。實用料差，只重視外表.對不對？

-----------------------

七幾年至八幾年d樓。樸實無華。 如果有翻新，同upgrade d電氣，水喉同lift ，自住係吾錯選擇。

用料好扎實，地板厚 至少 200mm ( 依家d 得 125，所以樓上行得重腳d，下面就震一震。)
外牆亦夠厚石 屎。吾用大玻璃窗 ，隔熱效果好，用少d冷氣。依家用落地大玻璃，太陽一晒就入晒。
樓底高，九尺以上，甚至有d可以間個閣樓，依家八尺半，跳一跳就摸到天花。樓底 高，點焗都有個錯，依家d樓，吾開冷氣，焗到死。
吾會窗 對窗，每個單位有過堂風。
依家d樓 ，單邊向街，扯吾到街風入屋。
通常有個幾見用o既騎樓
睇下半山，大坑果d 老牌樓盤。

吾望增值，呢d舊樓住得過。
9字以後果d 就好浮誇。

------------------------

辛洪機 自從老細同耶和華做fd 之後，吾係咁緊 d profit。有人情味d。做到個筆直就可以，吾會層層壓數。所以d判頭有水位走。
而且 ，所有盤都係由 圍內o既builder ，判頭承建。
吾夠數，可以有偈傾。吾會做死d自己友。( 不過圍外友就一定死，可能老細係吾知，係d 下面人 保護圍內利益。)
所以d樓盤 叫做過得去。起碼 出鑊 ，都有人 follow 。再嘈上去HQ ，驚動 三個老細，就會有人上身。
吾似 祥。，點喊，喊到上太子度，都冇人理 。因為冇錢冇筆直，做過數會好大鑊。
祥。既文化係交 數大過天。

辛記o既文化就 係有錢大家搵，吾好煩到上面就得。
不過咁，因為大老細同耶和華老友，咁阿魯班就趕出左地盤，幾個地盤都.....唉 。家下地盤動土，拜 神。要d判頭自費。

另外 ，麗 灣，o係辛記o既 plan 有好多設施喎 ， 羅亞方舟公 園 ，人造滑雪場 ，等等，冇左都應該出來交 代聲。

hh仲有剪報o係度

（如果俾引用谷主唔鍾意煩請通知我會立刻刪除）