Liverpool 2 v 2 Birmingham 主場又失分

以下是今仗兩隊之表現分怖，唔知結果仲以為利記唔大勝都輕勝，殊不知........唉！

                         Liverpool     Birmingham                              

Possession              67                 33

Shots on target       14                   2

Shots off target       13                   3

Corners                  11                  1

Fouls                        7                  9

射門共 27 次，中框 14 次，入了兩球，命中率分別 7 %和 14 %，這樣的命中率，眾前綫球員真是要加強埋門把握訓練。

今場也暴露了防守上的弱點，當被對手反擊時，中場完全攔截唔到，人家的攻勢就快速傳遞到自己的心臟地帶，幾危也！

人家賓尼廸斯險射死我隊之賓帥，唔通同「姓」相尅！

尼哥治好有進步，一球勁射，一球插水，幫利記保住一分！另外亦有威脅的射門，望賓帥俾佢多啲上陣，使他更為成熟！不過總是覺得他「論論盡盡」，唔通是簡奴二世！

這場波贏唔到，還要折將，利亞拿和班那約唔知要休幾耐？若費托及隊長遲啲都要做手術，前面真是殘陣！

古治真識做，隊長上陣即交番臂章。隊長亦不負眾望，射入 12 碼，可惜頭球攻門中柱，否則攞到 3 分，唔使而家賠了夫人又折兵！

賓帥好誠實話 12 碼是插水，但又唔認自己因重歐輕超，招致今日進退兩難之局面！唔知真定假，而家傳維拉之奧尼爾會接任賓帥嗰位，真是寃家！

NOW 幾時請到何輝旁述？有了他，佢拍擋就唔使講啦，避免獻醜！他分析有 POINT、入肉，使球賽生動很多！