新行山用品

第十九天

今日又放假,下午去探媽打煲左湯,應係滾湯,不過好正,媽打少有咁渣同湯都飲哂,重意猶未盡,問我重有無,我只係好簡單咁滾左個節瓜紫菜湯,不過我加左料,就係加勁多紫菜同喺湯底加素蠏柳

飲左湯就睇阿蘇,今日完全無問題,次次我去都無咩事,我知點解啦,因為係得我會同媽傾吓計,我係連媽打睇緊蘇時我都會講電視既內容,媽打都會開心d啦,睇完阿蘇就睇weekly,大家都覺得只係我在場就無事咁,希望媽打快d出院啦,已經唔寄望完全無事,依家咁我都好滿足架la

不過又要攞假,因為星期三四都無人去探,連續兩日點得呢,只好我攞星期四去啦,咁就剩返十一日la,下星期應日日都有人探,咁就到我抖吓啦,唔係抖係儲吓假

正題新行山用品 就係探完媽打出左旺角買左條新既行山褲同衫,衫我都有既,不過著得多,變左形要整返件,兩樣加埋390蚊,ok啦

今日係由葵涌醫院行落荔景地鐵,沿路風景

好多警察呀,唔知做咩,重要係個個都白衫

湯呀,真係好正,我依碗無加料都咁正,唔怪得媽打咁喜歡啦

出旺角重有買既係周杰倫cd,好多人都係買周杰倫,咁呢我排隊,前面有四個人,三個都係要周生,兩個鐵盒一個紙盒,我都係要紙既,之後既一位都係要周生,想點咁好賣既