Buffet@Grand Hyatt

擒晚終於食咗我期待咗好耐既Grand Hyatt poolside buffet啦!!

地點: 灣仔君悅酒店, 11/F, The Grill

時間: 6:45 - 10:30pm

五星級酒店, 唔洗多講, 食嘢環境同服務一流之餘, 食物用料, 烹調技巧都係一流, 果然名不虛傳.

先講環境, 响個泳池旁, 遠望可見維港, 加埋佢地啲燈光, 情調一流. 

全部都係木枱椅, 上面有柔和既黃燈陪襯著. 如果見涼, 侍應會幫你開著附近好似煤氣燈既暖爐, 所以唔驚會凍親.

呢個buffet, 其中一個主打項目, 係佢地既BBQ, 睇下面幅圖都見到, 有個師傅即場燒嘢比你食. 食物既種類, 一睇就知豐富, 有大蝦, 厚三文魚扒, 牛扒, 羊扒, 蟶子, 各類肉腸等等. 其中最得我心既, 係羊扒, 大蝦, 同羊肉腸, 真係好好味!!

另外, 係佢地仲有一個好有特色既蜜糖燒蕃薯, 又香又甜蜜蜜, 好好味!

燒厚三文魚扒, 皮香脆, 肉嫩滑, Yummy, Yummy!!

燒大蝦, 啲蝦肉又嫩又彈牙!!

佢地另一個皇牌推介, 就係佢地既海鮮吧. 海鮮全部都用啲冰鎮住, keep住新鮮. 佢地唔單止有下面見到既龍蝦同大蝦啦, 仲有蟹鉗, 翡翠螺, 蜆, 青口等等. 我每樣都有試, 最好味係龍蝦同蟹鉗, 肉質鮮甜到不得了, 正!

佢地仲有鵝肝醫, 三文魚醫, 芝士, 以餅乾伴食, 味道都唔錯唔錯. 另外, 都有試Parma ham, 加埋蜜瓜一齊食, 一咸一甜, 好得意既味道, 值得一試. 但想特別一提, 佢地既蜜瓜真係好甜, 如果唔係要留胃口係其他嘢, 一定會食多幾件.

除咗蜜瓜之外, 仲有各式生果, 都好新鮮, 但因為太飽, 所以食唔到....

食buffet, 最完美就係以甜品作結束. 佢地既甜品賣相不俗, 但供應種類唔算多, 而食味亦唔係好有驚喜, 但畢竟呢個唔係佢地既selling point, 所以, 响無咩特別期待下, 擒晚都算滿足到我對食甜品既意慾啦.

個餐每人包一杯飲品, 因為太飽, 所以我叫咗杯檸檬茶, 酸酸地, 消吓滯. 杯檸檬茶size唔細, 茶味都唔錯.

好耐無咁樣豪食過, 呢餐真係食得好開心. 約到朋友既話, 好想再去多次!!!