以前曾經去過日本住過幾個月, 一面讀日文, 一面體驗當地生活. 當年去了東京的新宿區, 住在學校的宿舍, 日抖上課, 課後和假期會周圍去.
東京地鐵圖
東京鐵塔
那時, 在學校認識到一些從大陸,台灣和韓國來的同學, 跟大陸和台灣同學, 還可用普通話溝通, 但韓國同學, 就真的雞同鴨講.
記得有次, 韓國的班長同學, 以韓文向班上的同學們宣布一些班務事宜 (因他除了韓文, 其他文都不懂, 日語又未靈光, 所以唯有講韓文), 來自中港台三地的同學, 當然聽得一頭冒水, 而我當時坐在班房的前排, 忽然想整蠱一下班長, 就一路聽佢講, 就一路點頭, 扮聽得明 (其實佢不嬲知我係香港人). 點知佢講講下, 真係以為我聽得明, 好開心咁以為可以有個翻譯, 講番啲嘢比聽唔明既同學知. 但, 事後佢發現我整蠱佢, 就露出一副好失望既表情, 佢果個樣我而家都仲記得. 哈哈!
韓國同學學日文學得好快, 聽佢地話原來韓文和日文的grammar差不多, 所以佢地對日文也較易掌握. 而中港台同學就唯有以勤力撘夠. 和不同國藉的人一起學外語, 其實也十分有趣. 
我地不同國藉的異鄉人, 日日一齊上堂讀書, 而閑來就會搞下活動, 做得最多係去同學屋企開大食會, 試過去一位同學(她是大陸人, 嫁了一位日本老公, 是位太太)的屋企, 佢親手煮了很多日本家庭小吃給眾同學吃, 美味到不得了. 另外, 大家又會去不同的餐廳食飯, 而最鐘意呢, 就係去食壽司放題. 
築地八千代壽司
果段日子的生活很簡單, 住的吃的用的都很檢樸, 但郤非常開心. 所以, 那段日子給我最大的體會, 是原來簡單既生活都可以好開心.
離開日本時, 宿舍的台灣同學送給我一張卡, 超"卡哇伊"哩!!!
返港後, 韓國同學寄來的信.
sam 2009-05-28 20:14
P.S. I will have my company law exam tmr
pre-LAWorker2009-05-30 00:32