石硤尾工廠大廈變身藝術中心啦....念舊

本港首個由舊工廠大廈改建而成的創意藝術中心開幕。該中心由浸會大學策劃，由馬會資助九千萬元改建。

賽馬會創意藝術中心由位於深水埗的前石硤尾工廠大廈改建而成，是香港首個將政府廠廈改建為藝術村的項目。石硤尾工廠大廈有九層，建於上世紀七十年代，從二零零零年租戶遷出後就一直閑置，直到二零零五年才被提出改建成藝術中心。

來的工廠大廈的風貌，新增加了展覽廊、中央表演場地、創意藝術工作室及演講廳等，並將原天井改造成玻璃幕牆，為學生及公眾人士提供講座及表演場地。

嘩~一睇到呢段新聞即刻打比屋企人, 因為對我地來講, 呢座工廠大廈真係好大感觸!細細個成日走去呢座大廈玩, 因為80幾到90年代我爸爸係做小生意, 工藝品, 好多都係手工藝加機器做出來的,後來好多生意都興移到大陸廠做生意, 之後我阿爸覺得成本大唔做lu, 又轉行打返工! 我曾經試過入一批米奇公仔做下生意仔當個到係貨倉, 真係好多回憶!  而且好細個的時候成日陪爸爸返工, 幫下佢貼下包裝貼紙, 做免費女童工!!! 係工廠大廈成日幾姊妹跑來跑去真係好開心! 又諗起大廈D貨lift同廁所(因為好懷舊LOOK), 各樣環境, 真係心裡微笑 !

嘩嘩嘩~呢副圖入面對影倒我爸爸的其中一個單位係6/F架, 唔知佢個"生招牌" 係咪仲係保留係到???? 下次返香港一定返去懷舊一番!

呢d就係以前工廠大廈的招牌, 不過呢個招牌唔係我爸爸o個個,如果你地有機會經過去6樓參觀見到"志記酸枝花梨木廠, 唔該幫我影返張相留念下.拜扎拜扎...對我地一家人來講, 真係好有記念價值架!