茵特拉根 part 1

今個月係小慧同呀Mio 生日，原本約左成班friend 去個短線旅行，點知呀Mio 唔得閒，呀Ca 又要見客，咁變左得我、蛇、小惠，Guess 四條友北上，join 左新華果個深圳東部華僑城既旅行團，係1號既晨早五點半鐘就起身，約左七點鐘係九龍塘地鐵站等，點知等下等下，等左半粒鐘仲未得，早知就訓晏d啦，之前返完兩更，訓左四個鐘炸，係等緊既情況，發覺唔樂觀，個個團友都係一d上左年紀既哥哥、姐姐，仆街la，仲以為有艷遇，發過鼠年尾彩，點知.........，算把啦，睇相:


呢張相係山下面影既，目的地就係山頂既另一面，要行一段樓梯，再搭吊車，跟往搭纜車，最後搭火車先到度架。




呢度就係起點la，咁行上去，都唔知呀蛇會唔會行到斷氣。




係行既沿途經過既房屋，都唔知係乜，不過幾靚咪影下羅。







呢張相係我行到山腰影架。




行到山腰要搭呢種既吊車，其實都幾恐佈下，大陸野信唔過，不過我更信唔過我班豬朋狗友，除時比佢地玩到昂坪360咁跌左落黎都似。




大俠..........玩還玩呀，唔好玩到架吊車側晒，剩係呀蛇都幾百磅，加埋小慧、Guess架車除時跌架，死鬼左都係賠幾雞野唔"底"架。




"你驚我都驚，嚇到面青青"，嚇到我差d暈左。




你睇個吊車幾高，真係幾恐佈架。




上到山頂之後搭架l low end 火車，沿途冇乜好影剩係得個員公宿舍個外觀唔錯好似渡假屋咁。









到左茵特拉根個火車站，小慧無啦啦整左個咁既 post ，不其然令我回想翻十幾廿年前，趙學而係"每隔兩秒"個MV 既 post 。