網誌分類：情迷壹壹零 |
圖片
網誌日期：2009-11-27 09:41
沉睡咗一季嘅110終於要蘇醒，呢四個月其間每隔十日八日都有著番車十分八分鐘run吓副機器差吓電，不過似乎唔多夠喉，每次撻車時都好似唔多精神咁緊緊著到車，後黎都係改用水電差機代勞！所以近呢兩個月都冇著過車！前兩日一口氣換晒偈油波箱油，睇番record上桶偈油原來只係行咗3500km，不過提早換冇壞！其他損耗性嘢check過冇問題（停住車又何來損耗？）不過中間有段小插曲，就係好久冇跳入車廂，原來裡面已經發晒mo，傳來一陣刺鼻嘅惡臭，救命，最慘係尾梳化，前座&門皮……都無一幸免，全部都係東菇！救命！於是死死地氣買番支3M嘢噴佢刷刷佢，然後放番個吸濕大笨七做吓嘢先……
唔想費力，所以一直都冇洗車，雖然泊有蓋，不過D塵都好勁，用大水喉狂沖洗可以洗車，遲D有時間心機DIY打番層臘就好了！
四個月冇踩極力子果然係唔掂！出車第一腳油即時死火，亦試過2次轉3波掃波牙，慘！而由於SLK油門反應較遲鈍，搞到右腳嘅精細度亦退化，往往令部車嘅動態突兀，老婆都投訴暈浪，連我自己都就得幾辛苦！一切要再適應過！
細cc的確係細馬力，110嘅全段加速的確係力不從心，好多SLK做到嘅加速動作，110都好難做到，不過論轉向嘅趣味性，尤期細急彎，較直接及靈敏嘅轉向反應，110係好玩好多！而且經小弟精心設計嘅內籠佈局比SLK好Feel好多！努力呀！至愛嘅110！
