杭州之旅 - Day 4 & Day 5 (27,28/09/08)

第四日杭州遊，因為前一晚去咗 Bar 同 Disco 夜咗返，所以瞓晏咗啲，不過我地好健康，起身之後就去咗踩單車遊西湖，之後我地仲坐㖭！下晝我地去咗Shopping，原來杭州啲衫都幾靚架，間 Hermes 仲多款過香港，不過價錢就貴啲........

不得不提，就係杭州嘅錢櫃卡拉OK，之前聽過細妹話西安嗰間正，今次親身體驗吓......嘩！正到呀.........Lobby又大又Grand成間酒店咁，間房都好大好新樓底好高，又乾淨，最重要係音響超好，開concert 咁，仲有呀....個伴唱功能好得，你校咗去伴唱 (analog)，如果你用咪一出聲會立刻自動轉返做音樂 (digital)，你一唔出聲又會自動轉返做伴唱，香港啲K絕對要學習學習啦！最緊要係.......加埋 Buffet 埋單都只係位位 $60咋！！！

第五日執吓行李，最後衝刺吓，食埋個美味 Lunch 就出發去機場返深圳再返香港啦！

杭州再見啦......我會再嚟架！