始終都有第一次

以前喺小學、中學、大專時代都算係一個 "風頭躉".......Choir由小學一年級唱到中五，中途仲走去玩咗幾年東區兒童合唱團；Singing Contest 由中一參加到大專，冠亞季都叫做攞過 ；中學有年俾個老死同學拉去陪佢參加校際英詩獨誦，點知俾我攞到個冠軍返嚟.......................不過出咗嚟做嘢之後，雖然有人揾我出去參加啲公開歌唱比賽，但要揾食嘛，無時間參加，好耐無上台咯，只係呢幾年親戚朋友結婚揾我幫手做 MC，都叫做上過6、7次台..................唔知今次...........................

咁大個仔都未做過舞台劇，今次朋友阿寶問我試唔試吓玩，其實之前都有朋友問過，但一直怕自己無時間排練，所以推咗........今次唔知點解????可能係表演慾癮起，亦可能學阿媽話齋同我睇過八字問過高人都話我係會做有關藝術工作嘅嘢..............無セ諗過就厚住面皮去試試！

由亳無頭緒到依家漸漸入戲，好多謝導演寶、監製孖嘅指導，仲有好開心識咗班有經驗嘅演員(雖然大多比我年輕好多)，佢地知我係新仔，仲好提點我㖭！

希望到演出時會順利啦，我想演好我嘅第一次！

http://www.swd.gov.hk/tc/index/site_events/

http://www.info.gov.hk/mcor/tc_chi/events/eventdtl99.html