我的野蠻囝囝!!!

2007年10月3日 (星期三)

心樂依家越黎越曵曵~

人地呢個月齡成日要人抱, 佢就剛剛相反, 成日都要自已行, 又唔肯比人拖, 一唔順佢意, 就又扭又喊, 有時係街度, 重坐左係地下, 甚至瞓埋係度, 真係好鬼死核突!!!  我地有時唔理佢, 佢就一直咁坐, 梗頸到死!!!

平時自己玩, 要果樣野, 就一定要攞到就止, 唔比佢又扭, 又打人...

今日係婆婆度就係, 攞走個錢箱唔比佢玩, 又係度 "掠" 地, 我地就唔理佢, 由得佢扭...

不過, 事後話番佢教番佢, 叫佢講 sorry, 錫鍚我地, 同以後唔好再曵曵, 佢又好乖咁講晒做晒點晒頭, 真係比個衰豬激死...

唉... 教仔真係要好比心機, 又要有耐心, 又要忍得, 有時心軟, 佢就好難會改...

大家要比心機! 努力!! 努力!!!