爸爸教游水

2008年8月10日 (星期日)

今個星期日嘅節目, 就係同心樂去會所游水~  

爸爸識得游水, 教游水呢個重任就梗係交比佢啦~

平時係屋企, 爸爸得閒都會教定心樂d 口訣 + 手勢 : 伸出去... 撥水... 隔甩底... 出番黎.....

不過, 心樂暫時都淨係識得用狗仔  式黎游.....

因為會所唔比拍攝, 所以之前去果幾次都影唔到相, 今次媽咪偷雞, 用手機影左張相, 同拍左段短片, 但最終都比泳池職員發覺, 叫媽咪唔好影, 不過媽咪覺得, 個職員係發覺左一陣先出聲, 好似特登等媽咪影一陣.....

夜晚, 去左三伯娘屋企食飯, 心樂見到有雞翼食好開心, 話學校都有得食, 咁媽咪就試下比佢食啦, 果然識食喎… 仲食得好乾淨添~