網誌分類：樂的第一次 |
圖片
網誌日期：2009-03-04 23:58
2009年3月4日 (星期三)
今日, 天氣剛剛好唔凍唔熱, 媽咪終於等到可以比心樂著 ---> 媽咪親手織比佢嘅冷衫啦~~~
心樂第一次著媽咪織嘅冷衫呢~ 
米白色係因為心樂學校規定嘅, 除左佢學校果件紅色長袖冷衫, 就只可著白色外套, 所以媽咪特登買米白色嘅冷織比心樂囉~
媽咪係心樂出世時, 都織過一件
---> 媽咪第一次織比心樂嘅冷衫
可惜因為揍心樂太忙, 到媽咪織好時, 心樂已經唔啱著囉~
2009年3月11日 (星期三)
今日, 媽咪織咗兩個月比心樂嘅冷衫..... 洗到縮晒水, 硬崛崛.....
件冷衫比心樂著咗一次咋..... 媽咪好想喊呀..... 
洗心樂件冷衫時, 媽咪唔為意, 洗衣機個冷熱水制, 被爸爸轉到90度, 所以就.....
點解爸爸會將個冷熱水制, 轉到90度呢???
事源係心樂前一晚, 走咗入廚房玩個冷熱水制, 爸爸見到, 問媽咪: "個冷熱水制要較幾多度架?", 點知媽咪果時唔明爸爸問咩, 以為佢問個水煲保溫制, 所以答咗爸爸90度囉..... 就係咁...... 
家希媽媽 (炒麵) 2009-06-06 16:40
慘喇~~ 再織過啦~~
我就唔識織，家希冇得著溫暖牌呶~~
樂樂爛玩豬2009-06-24 09:17
家希唔使驚, 六伯娘織左比樂樂哥哥著果d, 遲d 都會比你架啦~