爸爸的威力.....

2008年4月23日 (星期三)

媽咪嘅舊同事約了上星期四食晚飯, 今次媽咪應承左出左去, 因為見依家心樂大個d, 飲食冇之前咁麻煩, 於是媽咪就交比爸爸一個人揍, 點知心樂果兩日突然多左好多鼻水, 但媽咪又唔想突然推左個約會, 於是帶去睇醫生嘅責任第一次落左去爸爸度, 咁.... 又令媽咪有d 擔心.....

心樂食左兩日藥仲嚴重左 , d 鼻水又桀又綠, 另外又見佢耳仔後面損左成個月都未好番, 所以再去睇醫生, 何醫生話心樂係鼻炎, 要食抗生素, 而耳仔果d 原來係濕疹, 因為抓損左而皮膚太乾, 就一直好唔番~

心樂到依家都成日要爸爸抱, 唔肯自己行, 尋日, 就比爸爸好惡咁鬧左一餐喇..... 今日, 佢就好乖咁自己行啦~

不過, 雖然我覺得都應該唔好縱容佢, 但耐唔耐抱下都冇所謂 , 因為心樂始終都仲細, 要我地抱有時係想 "嗲" 下我地, 希望得到我地愛鍚嘅感覺, 有時心樂要我抱, 我都會抱下佢, 但抱佢之前同佢講: "媽咪抱一陣咋, 抱完要自己行架....." 咁佢會好爽快咁應承我, 於是, 我只係抱左佢一分鐘就放底佢, 佢就真係守諾言, 跟住自己乖乖咁行喎.....

有時有d 野, 我覺得唔使太勉強小朋友, 到咁上下時間, 佢就自自然然會做架啦~

心樂依家好鐘意影相, 成日叫我地影呢度影果度