終於都發燒啦~~

星期二開始Dee Dee B開始有d咳, 只係一時時, 間唔中咳一, 兩聲同流鼻水. 到星期四晚就咳多左. 所以問問身邊接近過Dee Dee B d人, 睇睇有無近似的病症, 因為星期五係佢兩個月人仔, 要打兩支針, 如果有近似的病症就睇睇會唔會發燒, 因為發燒唔打得針. 結果就好似問邊個傳染Dee Dee B咁....... Dee Dee 媽星期四晚已經頂唔住, 要去睇醫生......

星期五一早7:30, Dee Dee B剛好要食奶, 食完奶之後就坐的士去健康院, 入去就一定要check 體溫啦~~Dee Dee B 都無發燒, 見姑娘時問過都可以打針, 就同Dee Dee B打針啦~~ Dee Dee B 瞓左, 姑娘打第一針, 佢立即喊, 我就同佢講姑娘打針呀!! 佢就收左聲, 轉到另一面, 打第二針, Dee Dee B第一時間又喊, 我就同佢講"之前同你講左要打兩支針喎" 我就收聲, 但要噤住個針口止血時, 佢又喊左一陣. 抱佢出姑娘房之後就無喊了.利害呀!! (我諗Dee Dee B 應該聽唔明我同佢講咩野, 只係有爸爸把聲係到, 佢有安全感, 所以無喊)

下午5:00左右 Dee Dee 媽打電話俾我同我講Dee Dee B好似發燒, 佢地探到37.9. 少少發燒啦~~好在健康院有俾定退燒藥, Dee Dee 媽就好驚咁俾佢食, 因為Dee Dee 媽怕Dee Dee B 唔食, 點知Dee Dee B食到想再食, 我地就知道d藥應該幾好味.

食完藥的Dee Dee B 好想瞓但瞓一陣就醒, 食量又食少左, 瞓瞓吓好似呼吸唔到, 成晚叫, 加上Dee Dee 媽又唔舒服, 左右兩邊好有立體聲. 結果我咪咁早寫blog囉......

希望Dee Dee 媽同Dee Dee B快d好番啦~~