網誌分類：小屋仔‧大工程 |
圖片
網誌日期：2009-01-10 23:00
今天最主要有兩個工程：1. 裝石面；2. 送&裝傢俬... 
因為我要返工的關係，所以，跟進今日的大小工程係由屋主親自負責 (我，求之不得... 他，求仁得仁...
) 一早就有CORIAN的師傅來裝石面... 我個人覺得呢款石面都幾靚，但，我擔心那個無縫石盤的清潔問題... 我好鍾意飲水以外的有色飲料，我知道無縫石盤比較容易食色，以後，我真係要好小心打理... 
下午就送傢俬連安裝... 我家暫時只訂造了3件傢俬，但，當收貨的時候，我見所有傢俬的組件將整層樓的公用空間塞滿，都幾厲害... 
首先安裝的是C字櫃... 這個C字櫃好大，深度足有20吋，而且係做到頂... 點解要咁深、咁大呢？﹗原因只有一個：這個為釣魚用品專櫃.. 
Wilson在設計這個櫃時，他事前先量度他的魚竿、誘餌袋等等，確保所有釣魚用具可悉數整齊地放置... 你看，當個櫃一砌好，他第一時間就係量度將會放魚竿的直身櫃，well，good fit... 
另者，就是那個窗台書枱... 我家的窗台那麼大，怎能不好好利用... 這張書枱的最左邊那個小櫃桶，是用以將所有電腦用cables好好收藏，而且在櫃旁開了一個洞，放置散熱的風扇... 這些細節，我怎會想得到... 日後將會同現在一樣，Wilson跟我一人一部notebook，不過就平排而坐，好開心... 
最後就是那張地台床連衣櫃... 那張地台床個內籠好深，因為Wilson係以一個膠衣箱的高度為標準，用以放置換季的衣服... 衣櫃的分層高度就以能放置男裝恤衫及連身裙/褸為準則，好實用... 見到最後一張相，那個長條型的木箱嗎？Wilson「櫃」盡其用，利用那小小的空間，做個長條櫃，做咩？都係放魚竿囉... 
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是日感想：
今晚當我幫Wilson洗眼鏡的時候，發覺鏡面全是塵，白朦朦的... it impressed me a lot... 我好希望裝修工程快點完成，希望Wilson可以快點放低掃把，拿起魚竿，釣魚去... 
Iporsche 2009-11-04 23:36
你好...我想問你的傢私係邊間公司做?...滿唔滿意?
My address: iporschew@gmail.com.
了神2009-11-05 03:02
Carmen 2009-03-10 10:24
你家的廚櫃很美, 我現在仍頭痛緊揀門板, 可否告知你家下面廚櫃黑色的門板和上面廚櫃的白色門板係什麼? 我的email: chungcarmen@yahoo.com.hk
了神2009-03-11 01:09
廚櫃下用黑玻璃包鋁邊門板
廚櫃上用白色加閃粉水晶門板
terence 2009-02-14 14:52
我在 forum 看到這個 blog，知道你選擇了美廚做廚櫃，想問完工後你覺得佢地做得好唔好，有冇特別野要留意。因為我正在選擇廚櫃公司，謝謝。
了神2009-02-15 01:10
政 2009-01-13 13:53
了神2009-01-14 00:03
政 2009-01-12 13:28
因為我都係諗住搵同一間公司做廚櫃及廁櫃, 請問你地個廚櫃質素如何, 過程有什麼要留意, 你地做咗幾錢呢? 謝謝!
了神2009-01-13 12:11
1. 廚櫃質素如何？都幾好... 我當然覺得靚啦...
2. 過程有什麼要留意？唔... 我覺得最重要係度尺要準...
3. 我地做咗幾錢呢？因為我地除了廚櫃之外，同時做埋洗手間鏡櫃... 而且，又要睇廚房石面選擇那個品牌，牌子不同，價錢相差都幾遠...
raymond338hk 2009-01-12 00:35
了神2009-01-13 12:13
raymond338hk 2009-01-12 00:33
我最初都是裝無縫石子母盤的，但在最後一刻想到無縫石盤比較容易食色，所以改用了不锈鋼。
另外，我覺得WILSON在訂造家俬上也花了很多心思！