Fall into chocolate

今晚，我去了做一件連我自己都估自己唔到的事...

一直以來，Wilson都好希望我可以去學煮野食，唔係，他直情想我學做廚，但，我點都唔明，為咩要走去做廚師呢？要多一技傍身，我情願去揸的士囉...  不過，我都真的想過去學煮家常小菜，因為我都想煮餐好讓Wilson開心下...  今晚，都算叫做坐言起行啦，因為目的都係想Wilson開心下...  我去學整朱古力...

我個人本身嗜甜，但，又不是瘋狂那種，而且因為熱底，我不能吃太多燥熱的食物，所以，我更加會謹慎挑選才入口，因為有quota，我情願食得少而就食好一點...  我好喜歡食Godiva的朱古力，但，每次我都只會食一至兩粒，慢慢食，讓自己開心下...

今晚學整了多款朱古力...  圖中那款就是要在朱古力面上寫字，我先在紙上練習，見到我想寫什麼嗎？我想寫" I d Wilson" 囉...  但，Wilson就話：「點睇都係  I "一篤屎" Wilson喎...」...   點睇野架...

在紙上寫還好，黎真在朱古力面上寫，我就變左寫 I "米奇" Wilson... ，唉...

對於初學者黎講，我都算係咁，因為亞sir話，唔係一定整得到，而我每粒朱古力都算叫做有個樣，食得架...  Anyway，最後究竟Wilson有無食呢...  有，當然有啦...  他食了圖中最左邊那個朱古力托上的blackberry & cranberry...  that's all...  Thank you...