維古拉返學喇！

維古拉有晚偷偷地行黎我床頭，因為我細味緊twilight，無留意佢，佢企喺我枕頭上面跳黎跳去，我挨低去聽吓佢講咩，佢扮晒怕醜咁、夾晒脾講，我9月返學喇，冇書包用，叫我買俾佢wor，見佢平時都聽話，咪幫佢留意吓law，後來知道7仔有得換書包，我就差不多日日問人地7仔姐姐幾時有貨，人地都嫌煩呀，等咗成個月，終於有喇。其實佢好多袋架啦，只不過唔係背囊而係單膊，仲要係哈佬吉米，佢都唔鍾意，依家買到啦，你睇佢幾招積。



嘻嘻，啱啱好，啡色襯紅色，個嘴好招積！



個書包仲有櫻桃小丸子圖案架，記得以前同哥哥一齊睇小丸子個陣，佢成日都話我好似小丸子wor，一樣咁麻煩，成日問野，問埋d野又唔等駛，又懶又奸茅，我都唔覺既，車，哥哥夠似小丸子家姐啦，成日問佢野都唔答人，不過依家我地都唔似喇！