丙錦2009

話咁快又一年, 話咁快又到左今年o既丙錦, 上一年o既比賽, 到而家都仲好深刻, 就好似冇耐之前發生咁。

自從上年之後, 我地青聯團結左好多, 雖然上年成績都唔係好, 但打出我地o既超水準, 更重要o既係證明我地係有機會o既, 所以呢一年, 我地都係抱住呢個希望, 今年繼續努力, 向乙組進發!

不過其實今年丙錦好似黎得好突然咁, 話咁快就話報名, 報完名就話開波, 真係好似好快, 最重要係我地都好似未ready 好咁, 我自己都覺得冇上年咁fit!

頭兩場, 又要去花墟度打資格賽, 都唔記得第幾年黎呢度打了, 阿周話年年都入到體育館, 唔知今年又點呢?!
今年第一隊對FUVA, 贏左就對朗月, 其實唔多知係咩隊, 不過咩隊都係要盡力打!

由今日4點去到花墟, 等到五點幾先打第一場, 原來呢隊所謂FUVA 係一班球證隊, 不過佢地賽力一般, 所以我地都KO 佢地。 打完第一場, 頂, 要一直等到九點幾先打第二場, 真係等到有D 眼訓!

第二場係對朗月, 都係一般啦, 所以都KO 埋, 又一年可以入體育館打複賽了! 真係好想快D 再打比賽, 好enjoy 打比賽果種氣氛, 好enjoy 我地對波打比賽果陣o既士氣!!

阿達入波底wor~~ ha~~

白色衫光頭果個正是小弟也, 點解得我一個係白色衫? 熟我o既應該會知~ =]

全隊最高果兩支鎚手, 睇下跳得幾高~~~~

呢張幾齊人~~ 正!!

複賽唔易打, 加油, 青聯!!

4/4/2009 邦