2006 Japan Summer Trip Part 3 之 Premium Outlet @28/8

好~ 係時候又繼續寫 Part 3~!! (寫寫下覺得自己似寫緊長篇連續劇咁，wahaha)

話說上回講到，再前一晚食到飽到阿媽都唔認得0既各位，第二日一早又要踏上「征途」~! 今次勁啦~ 我0地遠征出發去到一個我0地幾位都從未踏足過0既地方 --- 御殿場 Premium Outlet 是也~!

呢個 outlet 話近唔近，話遠唔遠啦~!! 由新宿出發，都要坐成兩個鐘頭巴士先到呀~!! 不過都好0既，之前0個日實在太眼訓了~ 正好可以比各位0向巴士度「急叉」一下，以應付一整日緊張又刺激0既旅程~!! 

睇下我0地張車飛，大拿拿 2,900 yen ga~!!  --->

記住去到「東名御殿場」站要落車轉車呀~!! 轉乘 outlet 本身專用0既 shuttle bus~!!

轉車站0既留影

去辛苦先「餚」到去 outlet，成個 outlet 大就夠大啦~ 仲有好多名牌如 Gucci 呀、 Armani  等，咁例牌菜0既 Nike、Adidas、Reebok 都一樣有齊，不過就.....都係同其他 outlet 分別不大啦~ 有 D 0向 outlet 賣緊0既所謂 減價品仲貴過出面舖頭賣緊 ga 囉~ 係咪有病~!! 不過要數到驚喜之作莫過於 Bandai 啦~!! 對於一個玩具迷0既我0黎講，當然抱有好大期望啦~!! 入到去， so far 都算多0野睇0既，不過係我自己唔0岩買 je~!! 不過好好彩，比我見到部 Pingu 0既扭蛋機~!! 係0個隻好似「皮禮士」糖0既扭蛋，最勁0既係，比我一擊即中扭到我最愛0既 Pinga 囉~! 開心~

秘訣係.....最緊要揸緊 D 個「念」~!! hahahaha  

一 D 於 outlet 內0既 snap shot:

好靚好大0既摩天輪

Outlet 0既大門口

Outlet 內一對俊男美女~!!

是日買到0既收穫唔多，但竟然比我有另一款意相不到0既收穫~!! 各位請看 --->

係咪覺得呢隻小狗有 D 似曾相識0既感覺呢?? 冇錯~!! 就係勁似我最愛0既小波仔啦~! 哈哈 !!!  由於覺得佢0地生得真係勁似樣0既關係，忍唔住衝埋去同佢主人講話要幫佢拍照留念~!! (憶狗成狂症發作中......)

同場加影 : Outlet 內的大狗與小狗

小狗0既代表有 :

大狗0既代表係 :

P.S. 我發覺日本人都好鍾意帶埋 D 狗狗去行 Outlet，下次行 Outlet 除0左買0野之外，仲可以當自己行緊狗展0既會場呢~ hehe  

臨走時又見到小波0既朋友仔，忍唔住又離遠偷影0左兩張，哈哈~

有獎問題遊戲時間.....大家估唔估到下面幅相入面幢大廈到底係咩0黎呢??