大上大落 - Part 2

08-17 (Fri)

承接尋日0既無奈，今日心情依然欠佳。

早上我老細喊打都唔肯起身，咁咪....自己乖乖咁出門口返工囉~
夜晚 U25 男子隊有比賽，係就係早0左 D，但應承0左去睇，點都諗辦法過去睇下。

哈，原來尋日醫生開0左兩日 sick leave 比老細，怪唔得人0地今日可以唔返工啦~ 又好在佢唔使返工，所以可以出來車我，如果唔係要我自己行過大角咀，都幾係0野。
等到老細出來，接埋黎九，就一齊出發去球場。

今日對手係嘉智細0個班。
一如所料，成班街波仔，一路打一路鬼殺咁嘈，又嗌 foul 又喊打喊殺咁，傻 ga~!!
鬧球證都算，連 mark 分0既紀錄員都唔放過，真係「鄧」我 D 同事可憐，辛辛苦苦攪0左個比賽，仲要比你係咁醒，無奈。最爆係佢0地冇教練在場，真係要幾狂野有幾狂野 (不過就算有教練在場我估都係咁上下 )。

開始0既時候我0地唔係太順，分數一直拉住拉住，打起上來仲有少少辛苦。其實人0地冇內線囉~!! 打起上來我0地真係可以洽死對手呀~!! 但我0地個「外援」又唔肯安安份份入返籃底，成日走出來射三分，又係無奈。好在都係我最愛個中鋒先生生性，當我叫返自己隊友一齊夾，打返自己波，佢都叫做交到貨比我睇。叻仔~!!
之後呢，諗住人0地帶波唔太熟，身高又比我0地輸蝕，不如就守個釘人啦~!! 老細最初反對，驚我0地唔夠人快，捉唔住對手。但我堅持，雖然我都同意人0地係快，但我覺得佢0地一放個波落地就冇0野睇囉~ 同埋都係射外圍多，佢0地突破能力唔強，你 man man 咁 mark 到實晒，佢0地又唔識 pick & roll，打釘人有著數啊~ 所以呢，我最後都係....堅持~!!
好在，自從轉守 man man 之後，比數跟住都慢慢拉開0左。當我0地贏住十幾分時，有一段時間大家打得好急，不論進攻同防守都係，我覺得係急在，傳送0既選擇，而唔係出手0既機會。有成十幾分0向手，好多波都，唔使同佢急啦~!! 而且人0地已經輸到開始發茅，我驚大家會受傷囉~!! 最慘係，快上快落得來真係一味得個走字，又唔入波，一味見大家成場係咁走，睇見我都覺得辛苦。就0向呢個時候，諗住換返阿榮出來抖一陣，反正大家都係亂鬥亂，都唔一定要佢落場啦~ 而且我都想佢留力第四節再落去搏命，兼且可以比 D 後備球員有機會落場試下。
慣常換人出來我都會同球員講，換佢出來0既原因係比佢抖氣 / 冷靜下之類說話，就0向我換0左阿榮出來0既時候，我同佢講，打得好急，唔想佢咁快扯乾晒.......我未未講完，佢就已經好激氣咁大大聲嗌:「我好急?? 我一陣完0左場真係有0野要講囉.....」

我第一個反應係 --->  點解阿榮無啦啦會講句咁0野啊? 做咩事要咁激氣呢??
Anyway，佢話完0左場有0野講，咁我咪等完0左場先比機會你講囉~ 有咩都打埋場波先。不過0個一刻見到佢咁0既反應，個心係有少少「拿住拿住」。自從經歷0左一個唔信任對方0既球季之後，我覺得我同阿榮之間開始建立到互信0既關係。至少我覺得佢會「當」我係球隊0既教練囉~!!
之但係佢無啦啦有個咁0既反應，令我又覺得好似一切都返回起點~!!

完場我0地贏十幾分，大家都打得唔錯。當檢討0既時候，阿榮忽然間又話冇野講。會唔會係...又係0個種....有0野收埋唔想講你知咁啊? 腦裡面突然間出0左十萬個為甚麼。0個下真係都幾 down，覺得咁辛苦建立0既0野，可以一下子話冇就冇。一直以為建立得唔錯0既關係，原來係咁脆弱。 

之後去0左食飯，一向「15、16，唔講唔舒服」0既我，點都要搵個機會，同阿榮講返成件事。
哈~ 原來，佢話佢自己係「一時個情緒到」，發0左少少老脾，事後佢都覺得自己咁樣唔0岩，所以就，檢討時先冇0野講。呢 D 係咪就叫做「過0左度氣」?? 呵呵~
不過我都同佢講返成件事，好急係指成隊波，唔係指佢一個人。換人都係咁0岩想比佢抖抖，而唔係因為佢好快咁出手射0左球波~!!

夜晚返去 online 見到阿榮，同佢傾0左幾句，哈~ 佢又真係好似冇咩咁喎~
仲記得佢0個句「我一向好尊重你的」~ 呵呵呵呵~ 受晒~

解決0左件事，個人即刻開心返晒~!!

仲有，原來，我之前所付出0既努力係冇白費到的~!!