洗衣機/燈/窗簾/微波爐一一已備.

說來話長..... 眨下眼距離收樓得噃2 星期, 而且得噃最後2 個weekend 去買野. 我們係上星期連續三日的longweekend 行過好多地方後, 已心裡有數決定什麼款. 也同時約好desginer 係剛剛個星期六/日唸住一起去confirm. 點知, 佢臨時有事請佐假... 咁weekdays 我地又唔得閒, 下個weekend 又實在太遲. 雖則感覺比佢'僑' 起晒, 不過大家都係打工仔, 都明白有時有d 私人事係大個天的, 工作算得上什麼, right? 所以我地又無乜話好嬲. 我地都係決定自己去買, 自己同c fu 跟. 我們係旺角買佐2 盞客飯廳燈, 床頭燈, 一盞玄關位燈, 及4 個窗台燈. 跟住去荃灣買埋2 個房燈及走廊燈, total 大約六千幾.

跟住去荔枝角的窗簾倉confirm 埋窗簾; 我地找唔到之前睇過覺得ok 的窗簾啊, 咁我地覺得係天意, 所以揀佐另一款. 跟住我地比desginer 比我地的呎吋比個姐姐計, 個姐姐就話, 乜你個窗台咁細得 38 吋高? 我地話C fu 度呎後再計啦, 點知第二天c fu 度完打來話, 你地個窗台高度係六十吋喎, 相差咁遠, 我應該跟邊個呎吋?.... 事後問噃desginer, 點解你地度呎可以錯得咁緊要? 佢便話, 可能同裝修c fu 溝通出佐問題... , 好在價錢唔差很遠. 現在最後報價 4 幅加埋 $3342.

confirm 佐窗簾, 然後到沙田買埋洗衣機及微波爐. 因為e d 係要入櫃, 所以要早d 買, 等c fu 幫我地 '吞' 入個櫃入面. 我地個洗衣機有呎吋限制, 所以比佐個呎吋個sales 後, 等佢介紹邊d 機ok, 點知只有一款可以, 而且總要比多$250, 飛佐個頂換鐵皮頂, 先能放入個櫃入面, 有機會再同大家講解下. 洗衣機加微波爐, 又四千幾.

點解要去沙田睇電器? 係沙田新城市廣場L6 差不多全層都係大型電器鋪, 方便check 價錢及什麼款色都應該齊晒, 其實價錢都差不多的, 係睇下邊間的贈品啱用d... C 9 係咁架啦.

今日順便睇埋個雪櫃, 我地好鐘意以下e 隻. 夠大而且實用. 好高架, 重要高過Mr C 半個頭.

但我地驚太高, 唔知放唔放得入個位, 都係返去度下位先.

重有電視, 因為今日睇比起1 個月前睇又多佐cash coupon 送, 可能越遲越平喎. 所以我地都係等多兩三星期先帶你地返屋企.

我一向都幾鐘意係百老滙買野, 今次買野都係一堆C9 sales 幫我地, 原來佢地好專業, 而且服務好好, 又好傾. 十個good!