食飯飯

今日婆婆放假,12點打黎問我地起身未,我話起左喇,錦佢就過黎同我地去飲茶,我地本身諗住去稻香,但係行去果時見到新果間酒樓開左,錦咪諗住去試下囉,嘩,要等成50幾張抬啊,但係佢又好似叫得好快錦wor,錦咪等下囉,等左都有9個字啊,2點先有得坐低,一坐低就叫左碟牛腸同連蓉包比鏘鏘食先,因為佢未食野架,我地就等姨媽放工過到黎先至叫野食,鏘鏘差唔多自己一個人食哂成碟腸粉啊,勁啊,姨媽差唔多3點3先到,我地食完野就返屋企抖一抖,打比舅父仔,問佢駛唔駛OT,同唔同我地一齊食飯,佢話不如係屋企打邊爐,先生今日幾多度啊打邊爐.佢仲話開冷氣打,=.=舅父都傻傻地架,次次係屋企打邊爐,都會食剩好多野,所以我同婆婆都唔讚成.

差唔多5點9鏘鏘契媽叫我落去佢公司拎手信,佢又去完泰國喇,但係今次D手信全部都係鏘鏘既,大細超D WOR 契媽...但係點都好喇,我代阿B多謝你啊~拎完就返屋企喇.

舅父仔都到喇,婆婆由返到屋企就開始同大姨媽傾電話傾到我返上去都仲傾緊,足足傾左個半鐘.嚇死人啊,而細姨媽就訓訓訓....舅父仔就不停叫大姨媽出黎食飯先至傾喇,你地再錦傾我地唔駛食飯喇,錦我地約好左係九龍灣稻香食飯,我地等埋鏘鏘爸爸返黎就搭小巴出發喇,我地7點就到喇,所以去到即刻叫個飯比鏘鏘食先,我地落單果時只係叫左個瑤柱蛋白抄飯同一渣橙汁,我同個阿姐講係錦多先喇,佢比我既反應係<下,冇喇,係錦多喇.>我即刻話係啊,我未齊人叫住個飯比小朋友食先得唔得啊,比佢吹脹啊,唔通8個人黎食飯,淨係叫個飯咩,一人一啖都冇哂喇,都唔用下個腦架.醒小小好唔好啊,8點大姨媽同大姨丈都黎到喇,我地一路食一路傾計,唔經唔覺傾到11點幾啊~因為鏘鏘開始眼訓,所以我地就走先,佢地仲慢慢傾.

今日鏘鏘竟然賣大包啊,肯錫錫大姨媽,因為鏘鏘每次見到大姨媽都只會比一個反應就係喊喇,唔知點解鏘鏘好驚佢,今日肯自動埋身全靠一句說話就係我同佢講<你行去大姨媽度啊,佢一陣同你去買車車啊.>錦鏘鏘就行左過喇,大姨丈比左$100佢買車車~多謝大姨丈啊~