我一直都放唔低你

唔知點解我一直都放唔低你,

初初寫小說個陣咪住係玩下,

但愈寫就愈覺得自己諗番好多同你有關ge 野,

有一次你問我關於我本小說ge 野,

我真係唔知點答你好! 好驚俾你知道某d 野,

但又好想睇下你ge 反應wow,做人真係好矛盾ga!

一時又唔想俾你知, 一時又好想俾你知wow!

但點都好, 等我作好晒成本小說先再算la!

無論到最後我有冇同你講都好,我都好想同你做到個朋友,

但到咗最後, 我又可唔可以同到你做朋友呢?

相信呢一切都唔到我去控制ga la,

我只好交俾個天la, 如果個天都認為我應該同你做朋友ge,

佢自然會有安排ga la!呢排晚晚都有聽收音機,

森美同小儀每個星期三都會幫d 暗戀人ge 人同佢暗戀個個人,

睇下佢哋有冇機會... 我次次聽呢個節目個陣,

都好希望打上去個個人會係你,

但我知無可能, 因為你無我電話, 佢哋根本幫唔到你,

第二, 一直都只係我自作多情,你根本唔會鐘意我 lo!

有人話過要放棄一個人, 就要狠心d, 斷絕你同佢ge 所有聯絡,

等佢搵唔到你, 你又唔會再搵佢, 久而久之就會忘記咗佢!

但我真係唔捨得, 我好想同你做個朋友,但相信我唔會做到你朋友!

~唔該唔好對號入座, 呢篇野係用黎俾我有feel d 去完成我本書,

無其他意思ga!~

*而事實上, 如果我仲未放得低佢, 我就唔會特登作呢篇咁ge 野

去令自己有feel 去寫書la, 所以我已經放低咗好耐ga la!*