澳門 2 日急速之旅 - Day 2 (Part VII)

我哋去咗新榮記咖啡麵食嘅豆腐花 ($19/ea),

都幾滑, 但係熱嘅唔熱

加杯豆漿

不過呢間嘢唔係好衛生, 因為有 D 豆腐花放係枱上面, 又無嘢 cover 住, 返而凍嘅就係雪櫃攞出嚟.

食完我哋行去一間有多年歷史嘅舖頭聯記, 行經議事廳

揾到聯記啦, 入面完全無人, 因為無書介紹, 所以無人去食, 但佢哋個牛腩麵真係好好食, D 牛腩好淋(但如果係全瘦都比韌), 好多人靠旅遊書揾食, 但好多都唔係書上面講到咁好食, 反而有 D 漏網之魚.

食完麵就去食呢個旅程嘅最後一餐, 義順

原本想食多士, 點知佢話賣哂多士種麵飽, 得返豬仔飽種, 但有樣估唔到, D 服務係咁多餐入邊覺得最好嘅, 佢哋係有 min. charge($5/ea), 因為我哋想食多士, 咁佢哋無, 我哋就問個 min charge 點, 佢即時話得, 唔會計.

食完係時候返酒店, 行去沙利文門口等免費車返酒店, 途經今朝食翅嗰間舖頭, 重有人排隊.

係酒店攞埋行李, 再坐返免費車出碼頭, 我哋原本買坐 9:15pm 船, 點知見到 9:15pm 係三體船(會搖好多), 我哋明明指定要噴射船, 好彩 9:00pm 係噴射船, 我哋入閘後即刻去排 stand by, 好彩有位上到, 話咁快就完咗呢個 long weekend, 唔知重有無下次.