準備搬家了 裝修篇第一集

話說月頭業主打黎話約滿想自住返,或者一係加二千蚊租..所以我地決定搬喇~~

搵左好耐d樓價勁勁勁貴~~三百幾呎既單位都要租六千幾...傻傻地

於是同呀pat佢地傾過 決定搬去同老爺一齊住~~所以就由勝勝同老爺操刀裝修喇~~

呢個係我地揀既淺藍色牆~(post左先發覺隻色幾似我個blog個底色喎~haha)~~同埋將個廳間左一忽做埋我地間房~

仲有好多野未攪~準備封好個廁所門 改由廚房進出 咁廳就多左個牆位可以放枱喇~annie姑姐上黎睇下 仲幫手抬個地櫃上黎~唔該晒~~

知唔知饅頭做緊乜呢~哈哈哈~~佢係到吹風扇話好熱喎~~

由於饅頭爺爺冇著衫 所以經電腦處理~hahaha~

呢個就係間左個廳放櫃既房~~~

佢兩位係到拆緊個櫃呀!!!!!!仲鬧交tim~~哈哈 嚇到饅頭入左房唔敢出黎~當然由我調停左兩位人兄~~

因為老爺見勝勝慢動作 忍唔住又自己走去一個人搬梳化...佢岩岩做完手術個幾月又去做操重野=.=唔聽話..跟住我就即刻搶左....跟住呢個櫃拆入房 佢又係到嘈話勝勝點點點~又想搬~當然我又用我巨大既力量黎幫勝勝搬啦~哈哈~一個慢吞吞既人同一個心急既人就發生口角~~不過好輕微架咋~饅頭都唔知有好驚 我鬧饅頭時咪仲惡過佢地兩個~哈哈~~

電視機下低個櫃係新架~岩岩砌好~~咦~~饅頭好專心做緊乜呢~~~

畫左自己出黎喎~~~佢畫畫進步左好多喇~hahaa~

比大家睇清楚先~~佢話呢個係佢自己~~我冇幫佢架!!我同勝勝見到都覺得佢進步左~haha後來寫埋自己個英文名~但我冇影喇~~仲記得點串個名tim~^^

勝勝話我唔同左 唔影佢整屋喎=.=而家點同湊住個囡嘛 邊有咁得閒影佢~hahaha不過佢講到喇就突登拎個相機黎影佢個小氣人啦~~~呵~

呢幾日勝勝都係老爺到整屋~真係辛苦晒呀!!!!所以今日煲左涼茶比佢兩位人兄飲~呵呵~

續~~~