網誌分類：私の日誌 |
而家打blog用返口語~因為之前有內地blog友睇!
琴晚同家姐整無線上網!發現徒勞無功!因為隻USB好似壞左!!!整到我成2點幾!累死!表姨甥黎我屋企訓左晚!而家起我隔離!肥左好多!好可愛!^^~~仲有NDS玩!YEAH!
前日去屯院覆診~醫生話我減肥減得好好~吹氣都勁左好多~叫我繼續努力!
不過我發現屋企個磅原來係磅輕人5磅==搞到我一輕以為自己唔過140==’’
仲要又俾我見到胡冬生!
之後琴日去曬天海祐希同志田未來d相啊…今日又曬左d~
曬左好多錢啊~不過都係值得既~有d 4R..有d 3R…有d 2R…
不過原來屋企個相架係5R…等我家姐仲話係4R…搞到今日又要去曬過==’’
呢排翻睇<<14歲的媽媽>>…計起上次睇都成半年前…
愈黎愈鍾意未來….由<<女王的教室>>到而家都只係2年….
而家睇<<探偵學園Q>>發覺佢又大個左好多!睇住佢呢2年長大左咁多!真係好得意個感覺!
咁細個演技咁好…第時一定要拍多D好戲唔好晒…
跟住我家姐琴日同我講~我鍾意一個偶像前我會睇下佢係唔係細過我!如果係過我就唔會考慮追隨佢….我就覺得呢D無年齡既限制啵!成日限住自己鍾意咩野…就無咩意思囉啵!
跟住呢排都睇緊<<父女七日變>>….新垣結衣好靚女…不過演技就未有突破!
反而我鍾意佢爸爸….真係做得好鬼似一個女高中生!好搞笑!笑死我!可惜今個禮拜停播!
哈哈!死啦~我發現而家無日劇不歡!
即使<<父女七日變>>無咩我特別鍾意睇演員!我都好想睇!
而且我都好鍾意睇要潤同玉木宏!要潤起<<探偵學園Q>>既角色雖然唔係好起眼!不過有佢生色不少!之前佢同天海祐希合作既<<最後的禮物>>就係一個好溫柔體貼既人…所以我對佢留下一個好好既印象!又高大!又靚仔!又體貼!嗯!
呵…另外12號玉木宏既<<交響情人夢>>會起無線播啊哈哈!!
上次起做小蟹好可愛~佢V手勢時兩隻手指可以分開90度呢個係我最鍾意!哈哈!又幽默!
至於天海呢~呢排我既天海缺乏症似乎好左D~起碼有相睇下!
不過佢8號生日~我竟然唔知徵文比賽係1號截止!以為係8號!無法為佢既生日做D野!
哈哈~另外小榮子同天海同一日生日!我果日一定好興奮!一邊同小榮子慶祝都會嘰一聲笑出黎!
仲有啊~志田未來係5月10號生日!同小雞一樣!啊…
原來我身邊咁多朋友都同我既偶像既生日一樣!真係好巧合!
如果….下次有個我鍾意既明星係8月25號或者10月22號或者3月22號又或者10月27號出世就好喇!咁果時我就會更加珍惜果一日!
雖然呢排都成日睇日劇~不過都有溫PHYSICS!
而家差唔多溫曬力學~雖然好慢!不過我寧願慢慢黎!WAVE我都唔驚既~我驚電磁學姐….而家已經無讀CHEM~唔想連PHYSICS都無得讀!
ap_20060908102908917.jpg
umi.JPG
40146285er7.JPG
kinnes 2007-08-07 22:47
咯咯雞:HE...HE...我竟然咁失策添>3<!唔知點解成日混淆~你要原諒我啊嗚~~~
小榮子:你話有玉木宏好唔好笑先...?就算唔好笑見到佢個樣都想笑啦~
SiuRa* 2007-08-06 21:48
我中意玉木宏條kai子,因為似你
---你係咪記得個天海8月8你先至記得我!!!!
2 9-u
[[ `KwaN ..*// 2007-08-06 19:13
鮑鮑**
你講d人名劇名我1d都5識呀-口-"
開頭你打"未來"我仲真係以為係future果個未來..
睇到我有好多問號-.-"
不過睇多陣就get到啦*
p.s.::::::::: am..am..雖然你上面冇打到我既生日日期,,
不過先祈5好俾我知道你5記得左我生日.....又或者係記錯左日子wor-v-!!!
Ziga 2007-08-06 12:27
我也是越來越喜歡未來喔~~
看見她的演技一次比一次進步, 就會想繼續看她的作品~
期待她的新作呢*
至於《父女七日變》, 跟你一樣, 不是因為劇中演員~~
只是覺得這個故事蠻有趣呢~~
kinnes 2007-08-05 21:58
笨Ｚｏ 2007-08-05 17:19
我部機睇到呀＞＜
kinnes 2007-08-05 13:00
笨Zo....你屋企部電腦睇唔睇到dvd啊?因為我燒曬落dvd不過我部電腦既dvd機壞鬼左!
我早幾日睇果d有d疾到大半集無左!同埋有d我係上youtube睇架...手上有既只係得1,2,6,7,10,11集!
不過如果你load唔到dvd~我上豬豬字幕組幫你下載再sd俾你啦~
Queenie:
減成點啊?~~~~得閒上去睇下先!
笨Ｚｏ 2007-08-05 00:00
包,,
可唔可以sd14歲的媽媽俾我呀><??
Queenie 2007-08-04 22:38
你減緊肥呀? 點減呀?
因為我都減緊~ 有空入來睇
http://hk.myblog.yahoo.com/queenie_lty/