BB豬8個月大LU~

BB豬今日8個月大LA, 時間真係過得好快..雖則由臨盆至今無一日夠瞓過(好懷念瞓到自然醒o既時候), 私人時間所餘無幾, 身形走樣了, 但我都覺得好值得, 正因為我慶幸每晚都自己湊佢, 可以見證住佢每日成長, 陪伴佢探索呢個陌生而又有趣的世界, 不會錯失任何一個特別時刻!!

回想起黎BB豬真係好好湊(希望唔會讚壞佢), 除o左生理需要, 例如肚餓, 要換片之外, 都好少喊(老公唔認同呢點, 因為我唔響屋企時bb豬會勁喊要搵我), 就算扭眼瞓, 一般都係5-10分鐘佢就會瞓著左, 佢食野唔揀擇, 母乳, 配方奶粉, 咩牌子奶粉都食, 仲要出世第一餐就懂得埋身吸啜母乳.  佢係黐身d, 但我又好冧喎, 到分別轉食糊仔同粥仔時亦都好乖, 第一次就識吞. 佢喊時老公抱住都搞唔掂, 到見到我就收聲, 我一抱佢就笑返晒, 仲要"er"下個老豆, hahahhahahaha... 又鍾意沖涼, 一沖就笑, 沖完抱佢離水又唔會扭計, 不過我至鍾意都係佢十分愛笑, 有時我睇電視笑, 佢以為我玩, 佢又望住我笑埋一份...希望你一直都keep住咁乖咁聽話就好law, 但我知道隨著你每天長大, 你漸漸會自己的想法及要求, 唔會再咁易話為ga la...百厭星.....

啊~~ bb豬, mami真係錫晒你, mami而家每分每秒都會想起你的笑面(咁大個女都未試過掛一個人掛成咁ga hoho), 你一定要開開心心健健康康成長啊!!

bb豬你未食得蛋糕住ga, 呢d粗重野等mami代勞得ga la hohoho~