好倦啊 ~~

咁又未必，睇準個市，男人同女人一樣有得做。格仔箱唔係咁好做咋，我寧願打游擊，連舖租都慳埋。

開舖都唔易呢！不過呢啲遲啲先算，我都係搵少少止住咳先啫。

你做導遊？我今早牙痛痛醒咗，飲咗杯清熱酷再瞓，而家越來越痛。骨火好重呢！

係公明話要用枕頭焗死你呀~~~~

我都要舖定後路架，我隨時冇得撈架。

如果你知道我撞板蝕咗錢，賺咗幾多，你就唔會咁講喇。Touch Wood 現時應該打過和或有少少賺。因為都係呢頭賺咗，嗰頭再加碼入貨。再唔啱就係貼咗蝕嗰啲錢 & 廣告費，冇實質錢响袋，全部賬面數。後天又要比錢交收，賺得好濕碎。不過學到、見識到好多嘢。

我冇諗過會搞拍賣，仲要係一個人做。好彩間唔中都有人幫吓手，而家仲係起步。所以搵啲我比較熟既嘢做先，遲啲先諗其他嘢。我呢啲笨人冇咩識，唯有將勤補拙，刀仔鋸下大樹 ~~

你同靚女都要支持我啊！

打死一世工，唔死一世窮。我要創業！(一般讀書唔成，高不成底不就既人格言。)

咦？你唔係比公明搵枕頭焗死咗咩？！ (....)

我會頂住吖，不過尋日真係太攰，又唔舒服頂唔順，冇去交收。臨時搵人幫我交貨 ~~~ 講起都唔好意思…

滙豐啲藍籌得個平安二字，係買都買內地股啦。

係辛苦架，不過錢搵錢好過打工搵錢。周圍都通脹，但係人工又唔加。啲錢越嚟越唔見駛…遲啲摸到自己想點，又儲到多啲錢，就會好啲喇。

希望响完約前做到少少成績啦！起碼還晒啲債都好！

打死一世工，唔死一世窮。我都係覺得自己趁勉強叫後生，搞啲嘢搵錢都好，又唔係咩大生意，不過世事無絕對，或者今日既白痴，就是明日既光輝。試下冇壞吖，反正都唔知仲有冇工開。大不了咪由頭嚟過囉，都唔係第一次衰啦… (自我安慰ing~~)