我都想去日本留學

早兩天又聽到朋友話想去日本進修，曾幾何時我都想去日本讀日文兼去 Madonka 跟校長學插花 & 水晶花，硬係覺得响香港學冇咩意思。每年都要等校長响日本過嚟香港教一、兩堂，等到頸都長。記得考試時係校長監考，高手雲集，為咗考試的材料，準備咗兩個幾月，做到手都震埋，驚途中整爛啲花，仲撘咗三百幾蚊的士。去到仲要跟住校長要求同指示，即場考埋插花…  我未學過插花喎，哈… 咁又合格。攞証書嗰刻，真係想即刻飛過日本正校學嘢。

我一直好想去日本旅行，但太貴了。唯一一次有彈藥就去咗韓國，唔好以為平呀，聖誕節去，可惜剛回到香港，那邊才落雪，激死我。曾想過攞一個月大假去日本短期留學，學日文順便識番個日本靚仔。可惜吖，放唔低啲工作，請一個月大假，我驚連工都冇埋… 好多同事都唔敢有bb，驚前四後六完比人炒或唔唔續約。

假如有機會，honey moon 去日本都好喎，夠浪漫。不過好大機會去咗韓國濟洲，平啲嘛… 

哈…又發白日夢了，都唔知有冇人肯娶我，冇人要我咪唔駛去？唔得，我要努力儲錢，嚟個夢想單身之旅先！