瘋婦捉老鼠

今早起來本想吃點麵包做早餐, 發覺個袋底有個洞, 麵包冇左一忽... 心想, 唔通抄屎買時看不見? 

唔對路....... 隔離袋M&M, 只剩個空袋!

開始手震, 拿拿林叫Nicky, 細佬出去, 不要再留在廚房!  "有老鼠呀!"

Nicky: "帽松鼠?"

唔理三七廿一, 趕了他們出廳, 落閘, 從始不得再入廚房。

打給有豐富捉老鼠經驗的妹妹, 恰巧她在家，跟妹夫三人傾了差不多半小時．．．　一路講，一路震。　期間講了不下３０次”好驚”．．．連查看老鼠屎都不敢。

原來他們家出現過３次老鼠！　兩次捉到，一次妹夫跟牠正面交鋒，立刻逃脫，從而得知老鼠入屋路線。　那半小時對話，學到很多。

”黑色ｃｏｕｎｔｅｒｔｏｐ，要用電筒照才睇到老鼠屎架！”

”唔洗驚，隻老鼠不在微波爐後面，你去睇下，鼠去屎還在”

”老鼠夾唔ｗｏｒｋ，買老鼠膠啦”

”隻老鼠好細隻架咋”

”第一次好驚，第二，第三次就好嬲”

”牠明晚會再來同一位置，沒放食物都會來的，有鼠路的”

”你將全部碗碟，洗完放雪櫃”

”老鼠鍾意食朱古力架”

”放膠紙在地上，明早看到老鼠行過的路”

”捉老鼠幾好玩架，你慢慢玩啦”

仲有好多．．．

現在已經唔驚，化驚為怒．．．　在想捉到後如果整死牠。　開始神經衰弱。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

抄屎回來後，我ｂｉ　ｌｉ　ｂａ　ｌａ，說話快到不得了，如熱窩上的螞蟻。

”點解？”

”咪好似個鑊好熱，ｄ蟻走來走去又走唔到囉！　你快ｄ，去做這這．．．做那那．．．（急速地）ｂｉ　ｌｉ　ｂａ　ｌａ”

”嘻嘻，你好ｃｕｔｅ！”（每次我好緊張時他都這樣說，其實他以嬉皮笑臉來避過我的指令）

”ｃｕｔｅ你個頭！我驚老鼠咬你兩個仔腳趾呀”

他繼續嬉皮笑臉，慢條斯理地研究老鼠膠放那裡比較好。　叫他來看老鼠屎，他拿起一條小黑膠扮有發現。　叫他幫手收拾清洗ｃｏｕｎｔｅｒｔｏｐ，他說老鼠不會行去果邊．．．　　叫他幫手收拾成地玩具，又說老鼠不會來玩具堆的．．．

不過他也有搽ｐｅｐｐｅｒｍｉｎｔ　ｏｉｌ在小朋友房，因為老鼠怕那陣味。

他還說原來車房門連膠邊都沒有．．．那屋主真是．．．那老鼠豈不是不自出自入！　暈！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

開始很討厭Nicky的最愛ｍｉｃｋｅｙ　ｍｏｕｓｅ．我家真的變了ｍｉｃｋｅｙ　ｍｏｕｓｅ　ｃｌｕｂｈｏｕｓｅ！

如果明早起來都未見到有老鼠被痴在老鼠膠，我想痴的會是我。