村姑去川龍

今早六點幾起身, 與Lai Gun, 奶奶, Becky, Tim一行五人齊齊上大冒山川龍嘅舊式茶樓飲早茶, 點解咁有興致? 因為我同Lai Gun尋晚講起飲茶, 話好耐都未去過飲早茶, 以前打完通宵牌都有去架...咁咪去囉.

去到我地本來想坐出面, 但好似就快落雨, 都係坐裡面, 跟住自己揀茶葉, 沖水, 攞碗筷.....都係自己攪掂, 而攞食物都係自己嚟架, 我今日仲帶埋村姑嘜去川龍

D點心嘅味道冇乜特別, 但唯獨個蝦米腸, 估唔到幾滑, 最後緊係食碗山水豆腐花啦,咁我自片D豆腐花時, 俾個茶檔男人見到我片得唔好,

男人: 嘩, 你咁樣片, 唔得架, D豆腐花爛晒喇 (佢咪幫我片)

我: 係咩~~~(跟手攞另一隻碗裝糖水)

男人: 你攞呢D碗裝, 埋單會計錢架(因為數碟計) 你攞D碗仔啦 ! 

我 : (走去攞隻細D嘅碗, 又倒咗D糖水落去喇)

男人: 你呢D係白飯碗嚟架....老細~~~

我: 我見呢隻碗細個嗰隻嘛~~~(又走去攞過隻最細嘅碗囉)

終於可以返埋位喇~~~

 一食.......嘩!!!! 勁滑呀!!!! 好多年冇食過咁滑嘅豆腐花喇!!!!真係好好味, 果然係山水豆腐花....

食完我地便返屋企再瞓過, 我仲要養足精神今晚睇歐洲國家盃----Germany VS Spain

我要支持愛隊西班牙 !!!!! 托里斯...加油呀 !!!!