再到大梅沙(第一天)

Jun 14.,2008

早前已約好朋友到大梅沙嘅喜來登酒店度假一天, 我於舊年十一月都嚟過, 但係與同事嚟, 今次就係同Lai Gun及朋友到來喇....好開心, 但近期天氣真係唔好, 經常落雨~~~~今早出門口都係落緊雨架, 所以帶同雨衣Mcdull去玩下啦....

我地先與一d朋友先去深圳"單桂軒"飲茶, 然後再坐車去大梅沙......去到仍未可以攞房,

呢個其中一個朋友"大食史東"

所以先去泳池游水等攞房.....因為上次冇游水, 今次點都要玩返下喇.....估唔到呢度天氣唔錯喎.....玩咗個幾鐘, 攞埋房梳洗下, 便出去搵食.....我地搭巴士去一個比較多食肆嘅地方, 原來只係搭一個站已到達啦.....食完呢餐晏, 我地有d人想食麥記嘅雪糕新地做甜品, 我地同職員講要多花生, 點知佢話呢度係冇花生架~~~~吓.....冇花生?????有冇攪錯呀?????唉, 我地咁想食都係要買架啦~~~~~唯有食冇花生嘅新地啦~~~我地今次唔坐車返酒店,慢慢行去, 仲順便經過大梅沙嘅公共沙灘, 都有好多人喎,

到咗酒店, 另外d朋友都到咗亦係度游緊水, 我地都好快加入.

晚上, 我地成班坐巴士去鹽田海鮮街食晚飯

但呢餐晚飯嘅水準........完全唔掂呀!!!!!!!