馬爾代夫甜蜜蜜月回憶錄 ~~ Day 2 (Part lII)

上面的影係一群魚仔, 有上萬條呢!

在"馬" 的時間真係好休閒, 食, 訓, 曬太陽, 游水, 潛水, 追魚, 影相, 吹海風, 睇風景.............好寫意....

尋日一落機黑麻麻咩都睇唔到, 今日一起身梗係急不及待影相, 之後一家要落水啦! 我地落水時其實都唔係好猛太陽, 所以d水都有d凍, 其實"馬" 唔係想像同咁熱, 因為在印度洋, 又在海中心, 其實都好多風架, 我去咁多日一滴汗都沒流過, 天氣都幾舒服架, 不過落水真係有時好凍架~~~

我地在沙灘邊落去, 近岸邊起初唔多魚, 因為好多珊瑚都白化了, 唉.....人類真係要好好保護地球啦!

 不過一出少少, 就開始見到越來越多魚啦, 游得越出就越多越大條, 游到去斷崖真係好多丫, 多到我地大開眼界, 而且有d 都幾多條架, 這些是在酒店附近浮潛的水底世界, 水不深但已經有好有魚, 馬爾代夫與我在澳洲及布吉潛水時比較, 是魚的品種多很多色彩斑爛, 而且水很清晰, 水底真的一目了然, 不過水較鹹, 但我真係好鍾意水底的奇妙世界~~~~ I LIKE IT

最sweet 係老公一路拖住我游出去, 又要影相, 因為我唔識游水, 佢好 care 我, 我地一齊拖住一見到魚就手指指, 老公好開心, 因為佢好鍾意魚, 我話呢度d魚比你屋企養d 大好多靚好多, 你係咪好開心可以同d魚魚一齊游水追住佢呢? 我知佢好興奮因為我地係咁追住d魚影相, 原來在水底睇唔到個mon o既, 所以真係好難影, 捕捉唔到, d 魚又游得好快, 不過之後就好好多啦!

後來潛咗都唔係好耐, 因為好大浪同凍我地決定上水, 妟d或者明天再潛啦! 基本上去到日日都要落水.......唔落好對唔住自己架!

呢張老公影架, 都近斷崖的附近, 我沒有游過去, 是老公自己過去影的~~

這條魚個樣好攪笑架!