湊放工記

wing : 禽晚無啦啦肚仔痛, 一痛就痛到今朝 . . . 所以今日請左一日病假休息下, 抖左大半日已經好返好多, 跟住就心思思想出下街, 嚮msn問下jose想唔想有人湊放工先 . . .


到左樓下立刻打比佢, 點知佢又講緊電話 . . . 唯有等佢一陣啦(咁耐架 . . . )


出黎喇、出黎喇 . . . 睇下佢笑得幾甜, 佢話有人湊放工好sweet喎


打到回府, 事關今晚我地會嚮新屋煮第一餐飯, 所以要快d返去拍拖買餸玩煮飯仔


今餐比平日煮飯煮耐左少少, 因為我仲未熟練新廚房嘅環境, 好多野都好唔就手 . . . 過一排應該會正常返架喇(我平日煮飯真係好快手架)


食飽飽之後我地落左平台同club house行下, 認下路、睇下環境同設施 . . . 原來新地方又真係幾好架喎, 平台環境令人好舒服, club house設施又充足 . . . 暫時我地都好鍾意, 所以如無意外我地會嚮呢度住一段日子的 . . . 希望可以啦!!!