好緊張呀........

小學畢業應該都是十多年前的事

收到“派學校表”

知道與最好要的同學要“分開”

真係覺得晴天霹靂........世界未日似的

同學、老師、小食部、校舍統統捨不得

當時幾位天真的小學生(當然包括我啦)更揚言

“我地要個個星期回來探你們呀，Miss X”

“你地依家講就會講，到時你地就唔會咁做，

屆屆學生都係咁講的啦....hahahahah”

 “我地一定唔會”  

當然又比Miss X批中，十多年來，影都無

 

～＊＊＊＊＊＊＊＊＊＊＊＊～

 

自走出小學的大門後

真的有十多年沒有回去

沒有回去，可能是外面的花花世界比較吸引

人就像放了出去的風箏猶如斷了線般

一去無回頭

又或是處於青春期覺得自己改變多了

若回去時Miss X問道：

你成個唔同晒喎！

讀書點呀？

真係要心機讀書啦！

上堂唔好再撩人傾計啦…..

噢…..都唔知點答

 

索性唔返就唔駛煩

 

～＊＊＊＊＊＊＊＊＊＊＊＊～

 

至於同學仔，起初梗係要日日要通電

 

直至在中學搵結交到新朋友，都漸漸失去聯絡

 

直至近年，唔知點樣從mSn、faCeBoOk上重遇

 

～＊＊＊＊＊＊＊＊＊＊＊＊～

 

今日還相約了個小學同學一同回母校

真係好緊張，腦海又泛起同一埋問題︰

咁耐唔見真係大個晒！

近來點呀？

依家做咩呀？

又係唔知點講好！

 

其他同學又係多年無見，

唔知一陣到會唔會好好笑呢？

 

～待續～