周年紀念

最近知道學校今年周年紀念．突然覺得好感觸咁．我地係第一屆學生入去．亦係第一屆學生畢業．係學校果段時間好開心．成班人玩既玩．顛既顛．但好記得讀書既真係試過全部人一齊係課室溫書．如今轉眼間已經咁多年喇．其實真係一段頗長既時間．當我話比一直有聯絡既同學同佢地講今年學校周年紀念．大家既反應都係：”時間過得咁快．我地已經識左咁多年喇”．呢刻覺得好感動．咁多年大家都ｋｅｅｐ住呢份最真既友誼．知道咁多年前既同學．有ｄ搭入左人生另一個階段．已經做左人父母．有ｄ亦開舖頭做左老闆．唔知其他人又係點呢？希望到時有機會見到面再聚下喇～　

＊＊做野做左咁多年．真係覺得由小時候讀書識既朋友仔友誼係最真既．唔會有果種猜忌．妒忌既心態．大家都要珍惜自己身邊既朋友仔呀～＊＊