生日快樂 to 軒B

8月1號 - 生日快樂 to 軒B

呢日係軒B既兩歲生日....

我地入左去太婆度慶祝呀....

睇下太婆笑到見牙唔見眼....仲開心過軒B呀....

軒B呢張相係跳緊舞影既....太婆見到軒B無時停就更加開心嗱....

正所謂入屋叫人嘛....軒B好醒目咁行左埋去拜太公喎....

太婆過好熱唔想比軒B出門口....唉....軒B又點會肯就範丫....

食過飯之後我地行左山澗度玩....以前豬媽咪就係成日係呢度玩嫁嗱....

軒B都一樣玩得好高興嫁....終於玩到濕左褲仔囉...

要除片同埋褲仔囉....

太婆見到個咁樣既傻仔就笑到合唔埋咀添呀....

好風涼呀!!!!

小小既濕褲事件就一定唔會減退軒B既百厭熱情啦....

除左褲仔之後再來過....

無褲一身輕添呀....玩得更加落力更加投入....

攪到豬媽咪都要玩埋一份呀....

手指皮已經開始變到好似太婆咁嗱....

係時候要上水囉....玩過第二樣啦....

吹波波是也....

投入得佢丫?!?!

玩左都有成兩個鐘嗱....係時候返去上屋企嗱....

戲肉....蛋糕出場....

佢地兩個既焦點放左係邊我諗都唔使多講嗱掛....

軒B好心急咁去吹 candle....直頭上埋枱吹....

係時候來張全家幅嗱....

用左腳架真係唔同d....唔使姐姐幫手就位揸機嘛....

原本諗住出去食 buffet 嫁....不過真係太累嗱....

而且依家可能因為暑假....所以無咩又平又好味既地方食....

final 都係叫左 pizza 返屋企度慢慢食....

豬媽咪 & 軒爸 : 祝軒B身體健康....快高長大....日日都開開心心!!!

Happy Birthday to my Angel....yeah!!