好兄弟生日會

7月11號 - 好兄弟森仔生日

呢日因為好兄弟森仔係粉嶺牽晴間會所攪個生日party....

所以我地一行三人一齊向 "晴" 出發嗱....

去到打左個電話比 亞Joan....因為大鄉里唔識上去會所....

等緊既途中有位靚靚印度小姐同軒B say hello....

軒B好攪笑咁一路揮手一路回應 : hello....hello....

真係唔好意思呀....因為要努煩到森婆落來接我地呢....

咁橋白雪公主姐姐又同我地一齊到達添呀....

woo....到達嗱....

是日主角好兄弟森仔 : hi....welcome to join my party!

兩位人兄一見面就........................................................玩....哈哈!!

原本森媽諗住要來用既碗筷同碟都無一幸免....全部玩齊....

不過唔知點解玩玩下森仔會有此招....

森媽....唔使緊張....咩事都無呀!!!

呢日仲識到新朋友仔 - Beric 同佢媽咪Bertha添呀....

Beric 好乖好定....唔會好似軒B咁四圍走....真係乖仔....

知道呢日係會見到穎仔嫁....豬媽咪好開心呀...

原本穎仔係比豬媽咪抱而軒B就比寶媽抱嫁....

不過穎仔佢唔肯呀....我下次一定可以捉到你實一實嫁....哈哈!!

超難得既三兄弟合照....

不過三個人既反應同望既位置亦都唔同....好得意....

唔知三個男孩子望住既會唔會係同一個靚女呢?!?!!

好多野食呀....

雞翼、魚蛋、獅子狗卷、菠蘿腸仔、炸蝦片、炆花菇、春卷、咖哩角、

鮮果沙律、魚手指、薯波、煎餃子、元氣壽司 & 曲奇蛋糕仔

嘩....好多好多呀!!!

其中豬媽咪食左成7隻花菇....因為真係整得好好味呢....

呀....仲有兩個蛋糕呀....點解有兩個?

嘻嘻....我都係果日至知咋....

原來森媽森爸已經恩恩愛愛地結左婚成10年嗱....幸福呢....

祝你地永遠都係咁恩恩愛愛....甜甜蜜蜜....長長久久....

幸福的一家....來個合照先....happy

呢日軒B亦都係好百厭....玩到無時停....而且仲識左個靚靚女朋友仔添....

嘻嘻....就係珮珮嗱....你睇....軒B幾飛禽大咬呀....

一來就要錫咀仔嗱....珮珮又無反抗喎....呵呵!!

哇哈哈....珮媽真係唔好意思嗱....

我已經打定左對金手鐲嫁嗱....等珮珮18歲既時候記住搵我呀....

keep住聯絡呀!!!