去香港三失

第一失；諗住去通利琴行買pick,有一種pick我一路都好鐘意用,上年己一次過買了六塊,但唔夠一年現在己經餘下一塊,今次過到香港諗住大量入貨,點知去到無貨,我就心諗：「小！」

第二失：次次去香港,我都會去尖沙咀的HMV,因為夠晒大間,我好鐘意係個度遊歷一番；係今年7月去的時候,HMV的舊鋪裝修,搬左係舊鋪對面一間細鋪,我一路以為HMV只係裝修舊鋪；但今次一去到,間舊鋪竟變左間運動衫鋪,心諗：「唉！」

第三失：算了！雖然HMV變細左,但我都有碟想買,我入去HMV想搵香港樂隊Kolor既碟,但係搵極都搵唔到,我就去問人,個員工竟同我講用電腦根本搵唔到Kolor的資料,我心諗：「吓！」跟住我走去旺角信和某間唱片鋪,我問老皮有無Kolor既碟,佢同我講：「未出」,我心諗：「仆街！」