網誌分類：民以食為天 |
圖片
網誌日期：2009-09-06 23:29
今日好友文生文太又帶咗文 b 上黎我地屋企，半年無見，文 b 大個咗好多，但都曳咗好多，成個性格巨星咁，文生文太又傾向就佢喎，我一定唔會架！佢地話自己仔女唔捨得鬧，我反而係因為文 b 唔係自己仔女所以唔好意思咁惡，不過我都有話過佢，話說初時我係好聲好氣叫佢唔好放一個小擺設入口，點知佢轉頭成日放入口含住，喂大佬，唔吞得架喎，我咪啤住佢話佢唔食得架，佢都好聽話即刻俾留我，小朋友唔鬧唔教真係唔得 
~
之後我地去咗 "東寶" ，食咗 "南乳炸豬手"，"豉油皇炒麵"，"胡椒粉絲豬腸"，"墨汁墨丸麵" 同無影到既 "節瓜璋魚湯" & "豉椒炒聖子"，咁又真係好正既 
，抵佢仲係咁人山人海！
原來 Asashi 啤酒咁好飲，定係關個戰鬥碗事 
？
餐飯既下半場文 b 係咁玩啲墨汁麵，攪到成面都係 
！
