阿太的生日

2008年8月20日 (晴)

今日係我成為阿太後的第一個生日，同時，今日我要返工…

唔知係唔係年紀越大，對生日既興趣亦會越少，實在唔係好記得自己的生日，只係記得自己今日要返工﹗所以今日都係好平淡地渡過﹗不過不淡亦有平淡好，平淡中亦會充滿溫暧﹗

今日不停地收到不同的親友既祝賀，真係多謝你們﹗你們的祝福實在窩心﹗

放工後，修修同宗宗來同我慶祝生日，我冇選擇出外食飯，反而選擇了返屋企，因為明天大家都要返工，唔想搞到太夜呢﹗我地就準備食物，老公問駛唔駛買蛋糕，唔知點解，我就係覺得修修他們會買，所以我就話唔好，因為兩個蛋糕四個人實在食唔到，但點知我喺美心見到之前紀紀post個出來的「快樂小雞」，好得意呀﹗我想咁得意，宗宗會鍾意，加上細細件，就算佢地真係買咗蛋糕，應該會食得晒呢﹗但雞就只得三隻，結果我就買咗兩隻雞同兩件chocolate cake仔返去﹗去到樓下見到宗宗，他們真的買了蛋糕呢﹗

上到去，我地叫Pizza。等pizza期間，宗宗知我鍾意食日本既零食，佢喺OK買咗日本蝦餅，好大塊好得意，仲好好味呢﹗之後我地一路嘆冷氣、一路睇奧運、一路食pizza，都幾正呢﹗最後到切餅時間，宗宗買上來既蛋糕超得意，食豆豆蛋糕，搞到我唔捨得切呢﹗當然為咗食，我就狠心一刀將佢解決﹗但由於豆豆原來都幾大呢，我既四個人好吃力下先至將佢食完，結果我可憐既「快樂小雞」因為我地既肚冇空位既原故，只可以入籠放返雪櫃…唯入聽日再食啦﹗

真的多謝大家既祝福﹗亦都多謝老公、修修同宗宗的相陪，仲有你哋實用既禮物﹗