充滿恩典的一天

2008年4月26日 (陰)

今天很感恩，因為神的恩典真的太豐富、太美麗了﹗

恩典一：

之前都plan定咗今日會再戰天水圍去搵樓，一早十點鐘就開始，今次其實係睇返之前層經睇過既一個單位，因為個地產話個業主好好，肯幫人整好間屋先租俾人﹗而呢間屋之前睇唔啱最主要都係因為有少量傢俬同有點殘，但如果業主有得傾，當然有得諗，不過經過上次，我地都唔期望太大，都係本主一看無妨既心態，如果睇唔啱，仲有一個下午既時間，呢個亦都係揀十點去睇既原因﹗

去到再睇，早上既感覺好點，所有嘢都清楚點，不過都仍然係殘同有傢俬，仲要係入牆傢俬，咁我地又即管問吓業主可唔可以幫我地拆走d傢俬同油吓牆同整吓個地板(講真，咁多要求，我係業主都未必肯﹗)…個地產即管問吓，點知個業主就係附近，佢可以即刻過來同我地傾﹗真在太好了﹗見到業主，連業主用開個裝修都喺度，咁我地當面傾，個業主竟然一口答應﹗結果，佢肯幫我地翻新間屋(包括：拆天花綫、拆所有入牆傢俬、油晒全屋既牆同埋全屋地板打爉)，將間屋還原至新既一樣俾我地住﹗之後去地產度簽約，本來我地諗住都係五月中起租，點知傾傾吓話個業主間公司(業主係用公司名義出租)收租通常係月頭計，所以唔介意六用頭先起租，結果決定23號簽正式約同交匙，六月頭先起租，就係咁我地又可以慳番半個月租金﹗﹗﹗恩典實在太美麗了﹗

恩典二：

喺睇樓其間，Kamyin收到個電話，佢之前代表香港條片入咗世界六強，呢個消息令佢好興奮呢﹗佢之前為咗呢條片費盡心機，茶飯不思，辛苦有回報當然非常高興呢﹗

恩典三：

搞掂咗層樓，由原本好唔得閒變得好得閒，於是我地就一齊陪宗宗出去考試﹗喺等宗宗期間，我就做咗我一直都好想做但又冇做既事：買相機﹗其實我都講咗好耐好耐，耐到人地一部一部咁換想機，我都未買﹗難得出到來，又有時間，咁就下決心去買啦﹗其實之前都睇中咗部，就係修哥介紹的FX-33，但之前睇過行貨要成二千四，out of my budget，而水貨雖然平，只係千八蚊到，送2G咭，但就冇白色﹗今日我地去咗先達睇，見到有白色，但就要一千八百幾，本來都諗住差幾十蚊，買咗佢就算，因為實在唔想煩，難得我的起心肝，再問一吓原來乜都冇得送﹗當然唔買啦﹗諗主都係冇架啦，點知無意中見到間水貨連鍞店，咁就入去睇吓，見到有得買，只係一千六百八，嘩，咁平，當然就問吓有冇啦﹗我要白色，一問之吓，白色只係一千四百八，嘩…嘩…點解？因為老闆做promote﹗實在太好喇﹗雖然呢個只係機價，咩都冇得送，但都抵﹗最後我買埋張4G咭、一舊义電、保護貼、機套都只係$1,835﹗﹗實在太好喇﹗我有相機用喇﹗

恩典四：

買完相機我地返去BU接宗宗，之後去咗canteen食飯﹗大學canteen當然就平，但冇諗過係會好味，食過幾間U既canteen，呢間算係最好食呢﹗又平又好食，都要感恩呢﹗

今日，實在太感恩了﹗感謝天父﹗

巴士上試影

黑夜試影

考完試的宗宗同食飽既修修

小紅CROCS