揀相

2008年2月18日 (冷)

話咁快就得揀相，之前都唔記得咗原來我地book影相時已經book埋揀相既日子，而咁啱，修修佢地都係約咗呢個時間，所以我地就當然相約一齊去揀相啦﹗而佢地都好好咁開咗間大房俾我地兩pair人可以一左一右咁一齊揀相。不過，我諗最後佢地一定好後悔佢地呢個做法﹗

原先我地最理想既策略係車輪轉咁睇，自己睇完仲可以幫埋對方睇。但去到真實情況時發覺係唔可行，因為實在太多相，睇到眼都花，淨係自己果d都睇到嘔，再加上時間有限，最終只係可以在必要時先問對方意見。D相對我來講唔算太差，但亦都唔係好好，只可以用普通來形容，在百多張相裡就只有 一兩 張我係一眼就鍾意，或者俾修修同Kamyin影得多，對相既要求都高d﹗

我地來之前已經訂立咗今次既目標，就係唔加相，而我地個plan就包19張相同10張相紙，最終我地都好成功咁喺百幾張相裡揀咗29張出來，我地好開心，但個sales就越做越冇鬥志…修修話我地果sales個都算叫好d，佢果個一早就冇晒鬥志呢﹗我一直以為，影婚紗相貴係貴在加相，但今日我發覺加相都係其次，因為你可以選擇唔加，最貴都係d周邊嘢，例如：加大加厚本相簿、加大幅油畫、轉相架、加coating等，而每樣嘢佢地都有策略咁sale，甚至擺個局局你要﹗我都差d中招，加咗個盛惠$1800既coating落相簿，好彩有修修，我地慳番$1800﹗結果我地免麻煩將29張落大細相簿同轉大咗本細相簿(因為送果本會將d相到好細)，埋單合共$1700﹗其實都比預算為多，因為冇諗過送既嘢係咁多限制，不過可以整齊d又煩少d，算啦﹗

面對我呢個cheap客，連本來有少少鬥志既sales都冇埋最後既鬥志，我諗佢最想我地快d走，咪鬼阻住佢收工﹗臨走時，修修話佢今日變咗神探，因為佢睇到班sales心裡既鬼﹗