網誌分類：有感而發!! |
呢排真係好忙, 好攰, 仲好黑仔........唉.......
黑仔的事, 我真係唔想再提, 亦都希望唔會要發生就好啦!!
雖然我都知道呢個時勢有份工做, 總好過無得做, 有得忙總好過無所事事......不過一個人跟三個客, 係唔係真係我能力有限呢?? 我之前都係跟咁多個款, 點解我都無而家咁.......我都唔識形容.......雖然我未係完全跟唔倒, 不過做啲自己未做過既嘢, 好似由零開始有啲吃力囉!!我都明白亦都好開心, 因為我真係學多咗, 呢半年我都真係學咗好多好多, 而且同事們關係(對我自己嚟講)都算ok呀!! 不過我又一次開始懷疑自己的辦事能力, 對上一次, 係我剛剛入呢間公司, 由我本身喺舊公司只係一個人跟十多個款, 一變就跟八十幾個的時候, 我都真係覺得自己做唔掂, 好在到最後都總算捱得過, 到而家其實都只係六、七十個, 點解好似難過之前?? 唔通真係一個客同三個客的分別??
每一次寄辦的時候, 就係我最大壓力的時候, 因為.......同一個時間要寄比三個客人, 如果搞錯咗會點??? 一定比人鬧死啦.....仲浪費好多時間, 做我呢行我真係又愛又限......有時就好大壓力, 有時又好有滿足感.......
而家晚晚都要做到當夜兩、三點先有得瞓, 真係好攰好攰囉!! 如果一日有48小時, 可能我會好少少, 起碼可以瞓多幾個小時嘛~~
征西大元帥法蘭西人小柏奇 2009-06-26 16:53
萬事起頭難，慢慢來。回頭細看，過去有多少次「搞唔掂」的事？如今都付笑談中！有壓力，能迫自己做事謹慎；多事幹，能磨練自己的能力極限。平常心去面對，很快看到新天新地。
ღBabyFirstღ 2009-06-21 01:46
請到 http://hk.myblog.yahoo.com/babyfirsthk-ad
(如有打擾，敬請見諒。)
suann 2009-06-19 15:15
你又唔駛比自己太大的壓力, 只要你每一早返工時, 靜靜地咁想下今日有 d 咩係一定要做先 ?? 有 d 咩係最急 ?? 有 d 咩係要下午寄走 ?? 有 d 咩會係要下午收到 ??
當你個人心中有了一個時間表之后, 樣樣野都會順利好多....
WIN~WIN2009-06-24 01:16
最慘一返到公司就已經唔可以靜靜地呢, 根本就無時間比我靜!!