金仔的故事

今年6月, 狗場又救了一隻唐狗仔,  3-4個月大,  皮黃骨瘦, 傷痕纍纍.....當時因為工作繁忙, 結果到7月先入狗場, 先真正第1次接觸到 "金仔"~  

第1眼見到呢小唐狗.......woo.....乜同我家"紅紅"咁似樣....一樣笑容滿面, 一樣生猛熱情,  經常都咁開心樂天, 相信入過狗場既義工對呢隻小唐狗都一定印象難忘~

8月...我為金仔做了張簡單既Poster 出Post & E.mail, 希望為呢隻HAPPY DOG 尋家....可惜一路都無人問津, 唔通一隻咁可愛既狗狗就要起狗場終老?

9月...得知NPV有領養日呢個平台, 於是胆粗粗的報名, 希望帶呢班性格咁好既小朋友去碰運氣!! 

9月18日的領養日, 金仔看似是得到幸運之神降臨...在完結前15分鐘...被1對男女正式領養了, 當時大家都好開心興奮.  領養後我地都好緊張, 擔心金仔到新家既表現, 3天後的家訪, 我地還特別邀請trainer一齊, 希望給狗主心安, 就算狗狗對新家庭適應上有任何問題, 都有專家教路! ...........但家訪後個心一路不安, 因為我已經預感到金仔的未來....佢一定會被return....原因係當狗主講金仔有隨處小便, 咬野既問題, 而我地又教佢點改善環境, 如何教導金仔時...個主人一d反應都冇, 感到佢冇心聽, 而她亦講明暫時無打算跟住做, 佢話為金仔好唔想迫佢, 佢想金仔自由......哈哈~冇人教, 金仔又點會改善問題, 牠根本不知道何謂錯與對???   結果1星期後, 佢call我地說業主只許養細狗, 就把金仔退回.......但卻在facebook留言給我說...winnie sorry...我沒辦法了, 金仔幾乎咬爛了我全屋!!!!!    唉.......我都覺得sorry, 給了金仔一個這樣的主人~

10月, 正當安排接回金仔入狗場時, 突收到狗友來電, 說她的一個blog友想領養金仔....上網查看過她的blog, 算是一個不錯的主人, 有多年養狗經驗, 對於她的狗狗, 生能善待, 死後善終~ 於是很安心的請color同佢聯絡, 誰知這原來是第2個sorry!!

因為她10月中搬屋, 希望搬屋後才接金仔,  所以我地亦順著她的特別要求, 很辛苦的為金仔尋找暫托, 好在yo媽仗義幫忙!   10月17日(星期六)下午....終於等到送金仔去呢個新家庭, 正當以為一切settle down..... 點知未夠8小時後我便收到她的投訴電話, 說金仔勁擒佢隻老狗女 , 當然我亦有提議解決方法, 但最終她只跟我說明天會帶金仔絕育, 比多1次機會佢, 之後她便收線...連say bye都冇! 

估唔到所謂機會是1日咁多, 星期一早上收到她的電話說金仔好乖好good好聰明好易教....好唔捨得!! 但卻要我地即晚接走!!  哈哈.....3日不夠既家庭, 金仔呀! 你都算經典~  

唉~ 冇所謂啦.... 一個唔肯比時間教導同包容既主人, 金仔被return亦係遲早的事~  我地無話可說, 唯一可以做既係即刻接走金仔, 使牠走得有尊嚴, 佢地有生命, 唔係一件死物or垃圾, 你要佢即刻走, 我咪即刻黎接番囉!!!

多得christina & pj family相助, 金仔得到2個星期暫養, 一來絕育後要料理傷口, 二來亦可以教導金仔咩行為係人類唔鐘意同唔可以做...

11月金仔好像發了一場夢, 經歷了2個家庭, 3個暫養後終於番入狗場!!  

看.......牠仍然一臉陽光, 一樣happy, 一樣充滿自信,  最欣慰係佢對人類仍然信任.....祝福金仔會有人識得欣賞, 有個肯比時間佢既主人!!

今個月......11月15日的NPV狗狗領養日, 我地會再帶呢個小朋友去搵緣份,  朋友......你會唔會黎探下佢, 親身感受下呢隻happy dog係如何討人喜愛~

http://www.npv.org.hk/image/adoption%20day%20poster%20new.jpg