日盼夜盼終於盼到出糧

　　日盼夜盼，終於盼到今日出糧，但由於１０月１國慶回家時已同公司預支借款，今次出糧亦等於無出糧，但畢竟係自已入呢間公司第一次簽名領款，o感覺都唔同d.

　　有糧出自然就係大購物及出去Happy架喇，但我又唔鍾意咁樣，因為今晚落咗毛毛雨，濕濕嘅唔鍾意行出去，所以又選擇係度上上網睇睇電視算數．

　　今次出糧後收到風話有好幾位同事都提出辭職唔做了，而且仲係一直照住我地嘅上頭亦係其中之一，聽到此消息自已都覺得唔好受呵，不過每個人都有自已嘅意願，有好嘅工作自然選擇走．換作係我相信亦都唔會例外．希望佢地以後揾到更好而且適合自已嘅工作喇～

　　日忙夜忙，希望過一段時間會好少少啦，但跟嘅客戶太多感覺真係好累好累，自已亦好想唔做喇，但諗諗下仲係無論如何都幫手做完今年先算喇～