失蹤三日嘅行程

      各位blogger可能都覺得好奇怪，似乎有足足三天嘅時間無上來update過同埋無去探過你地喇，原因？

      星期六日雙休本來諗著過廣州玩兩日嘅，但致電比d朋友個個都話要返工無時間陪我，所以唯有另行改變行程。

      星期一當然要上班，但朝早返工又同老大吵咗同埋公司電話又再次欠費停機無辦法用，所以諗下諗下仲係出去電子城轉一圈同時去咗龍易集團。

      星期六准時八點起床，食過早餐搞惦曬都成九點幾，諗下諗下就決定到羅湖同東門逛一日。出發前發咗條信息比Momo,但我唔敢確信Momo有無其它節目，係香港過到羅湖關口亦好近，我可以直接係出口處等，但一直無見到Momo複我嘅信息，相信佢肯實無睇到信息同時有其它節目，直到晚上七點幾先收到Momo複我嘅信息，當時我係度打乒乓球跟著唱K。

      我同我嘅同事燕係福永車站坐K538快車未夠45分就到咗羅湖車站，比我預算嘅要快好多，因平時試過係機場打的入東門京華酒店都差唔多要成個鍾。

      係羅湖商業城逛咗一圈跟著坐210嘅公車只需3個站就到咗東門，真係好近。

      東門係第二次去逛，第一次只係坐車經過無逛到，好多人呵。

      逛下逛下我又想入MC食野呵。因人太多無位所以我地仲係選擇咗KFC。

      逛到老東門時發現咗超人呵，只可惜係人地嘅店鋪門前唔好意思過去影，只係係遠處影佢落來。

      因為靚野太多了，睇到眼花繚亂，所以想買野亦無從落手，而下午亦好大雨搞到無乜心情，最終只係買咗一條五分褲，而我同事燕則買咗一套，都不至於空手而歸。

      星期日落咗成日嘅雨邊度都唔想去，只係訓咗成日同埋睇咗兩本言情小說又一日。

      星期一即尋日賭氣去咗電子城逛咗大半日，收獲自然有，但得慢慢整理。

      今朝返到來老大打電話返來問我尋日去咗邊，我話去咗電子城，佢居然話我借口多多，又同佢吵咗一架，中午佢返來肯實又有得比俾囉嗦，當我忍無可忍時我就唔會再忍架喇~