Maomao 昵稱的由來

      Maomao，其實係我嘅一個綽號，佢嘅由來曾係Bob所謂“專利”嘅昵稱。

      記得2002年7月果陣時有個新同事入職，果時我剛好係果間公司嘅人事兼采購，佢嘅入職自然由我辦理及安排，但佢入職並非入我地當時嘅公司，我地只係同一個老闆而已，佢只係另一間裝飾公司的管理人員，但我需負責佢地嘅入職及安排食宿問題。

      由於公司唔大，我所要管理嘅野亦太多，同佢地相處嘅時間亦多咗，久而久之兩三間公司嘅同事常聚係一齊食飯。而我又比較瘦小，同時次次食飯都係我最慢，而我嘅中文名又剛好帶著個瑜（Yu=魚），貓最愛食魚，而當時亦有個別同事叫我《做咪咪》，好自然間佢就幫我起咗個綽號《Maomao》,佢仲同d同事聲明《Maomao》係佢稱呼我嘅專利，唔比其它同事咁樣稱呼我，一開始我覺得咁樣稱呼我好唔習慣，但時間長咗亦接受咗呢個所謂《Maomao》嘅昵稱。

      其實我自已個名係唔係真好似個別男仔話嘅好似男仔名？我自已都搞唔清，因為剛讀小學時我經常跑返屋企哭著同爸爸媽媽訴苦，要求佢地幫我改名，仲要發埋脾氣o只，如果唔改名就唔再去返學以作威脅。原因？就係我d男同學成日笑我個名係男仔名（而家諗起覺得當時自已真係好幼稚）。爸爸媽媽極力開導話係其它同學唔識欣賞，話個名係好好聽架，以後大個咗就覺得叫起來比較順口人地易記，最終都無改到。

      基實諗返起個名都幾好聽啊，唔似男仔名呵，嘻嘻，自我安慰下~（韋瑜，大家又覺得似唔似男仔名？）

      Maomao呢個昵稱一直到而家我都仲用緊，雖然好長時間無同Bob聯絡喇，同埋佢都極少咁樣稱呼我喇，但唔理怎都好，呢個名陪咗我咁多年，直到有一日係Momo嘅blog度睇到有一個與我同名嘅《Maomao》留言，同時佢都有入我Blog度探我同埋留言，我本來都有打算要換Blog嘅綽號，但諗諗下都係唔換喇~有同名順屬正常，即表示我地有共通點~